記者 吳琰玲
三條分別位於觀塘、旺角及深水埗的明渠因長期受非法接駁污水渠影響，引發的臭味令環境衞生響起警號。當局多年來根治無方，渠務署於○五年決定以覆蓋方式解決明渠惡臭問題，惟尚未完工即發現覆蓋法未必可行。
鑿渠唔清理釀蚊患
深水埗長沙灣道至保安道一段東京街明渠長年傳臭，渠務署於去年十一月展開明渠覆蓋工程，但近月明渠不但傳出惡臭，且孳生蚊患。林先生指其子最近常遭蚊子叮咬，擔心炎夏期間情況更形惡劣。
至於林女士則指渠務工程展開至今，惡臭一直未有減少，「我個孫仔仲成日畀蚊咬！唔知係咪條渠有啲地方鑿開咗又冇乜點清理，搞到啲蚊多咗？」就現場所見，長沙灣道至元州街一段明渠已築起鋼筋將水流分截，但兩邊擋土牆下渠水卻靜止不動，且浮滿垃圾污漬。而青山道至順寧道的一段明渠，擋土牆孔更流出白色泡沫。
深水埗區議員梁有方指出，據悉有食肆將污水非法傾倒至路邊坑渠，因環境保護署執法不力而造成污染，「環保署可能覺得係食環署嘅事，根本就冇認真處理，依家條明渠又落緊石屎，阻住啲水流，唔單止有臭味，街坊仲投訴多咗好多蚊！」
渠署環保署懶執法
「今時今日仲有非法接駁問題，好明顯係罰得唔夠重，第時條渠冚住咗可能仲嚴重！」深水埗區議會副主席譚國僑指出，施工期間明渠孔道常有帶泡污水流出，認為渠務署應主動跟進，而非接獲投訴始轉介環保署處理。
綠色力量行政總幹事文志森坦言，明渠被覆蓋後，將更難監察渠內衞生，「明渠都有人夠膽非法接駁污水渠，就知問題有幾嚴重！冚住佢就等於將啲垃圾掃落地氈底，情況可能會愈嚟愈差。」文指倘有有機物積聚渠底，分解過程必會傳出臭味，故覆蓋並非最佳方法，「一定要加強執法罰重啲，唔係再多工程都係倒錢落鹹水海！」至於現有覆蓋方式，則只屬治標不治本之策。
環保署發言人承認，發現有三處雨水渠口有污水流入東京街明渠，該署將巡查明渠集水區，阻截污水非法流入明渠。工程竣工後會巡查沙井，防止非法接駁污水管道排放。
渠務署發言人則指出，明渠傳臭源於個別明渠排放孔有污水排出，天氣轉熱與渠道乾涸亦會令明渠產生氣味，現已督促承建商定期清理渠內積水。
治標不治本存隱憂
香港專業教育學院（青衣）建造工程系署理首席講師黃漢平表示，舊區存在非法接駁污水渠問題，且難以尋找源頭，令明渠因積聚垃圾及污水而出現蚊患及惡臭。對於當局以覆蓋明渠方式解決問題，黃認為此法雖有助減少蚊患，但仍存隱憂，「始終唔係重新做過管道，彈性冇咁大！如果條渠嘅斜度同體積唔夠，舊區翻新後人口多咗就會唔夠用。」
黃指如非法接駁污水渠等老問題未能解決，遇上雨量較少季節，渠內水流一旦減弱問題或將再現，「條渠雖然冚住咗，但係啲臭味仲有機會經沙井走出嚟！」