原來秘書處晨早已經喺發畀議員嘅申報指引裏面，寫明議員可自行將當中嘅個人資料用黑筆塗去，只係啲議員或者幫佢哋申報嘅助理冇睇清楚，至將啲病歷高透明度咁披露出嚟。

陳健波已經隨即叫佢啲助理刪除有關資料，並提醒其他同事可以咁做。不過因為膝痛而申領津貼嘅議員李永達就話寧願將病歷公開，以免畀人以為佢有啲不可告人嘅暗病。

其實班議員除咗要着緊自己嘅個人私隱，亦都要留意埋啲助理嘅私隱，例如有唔少新丁議員幫助理申領人工同強積金津貼時，就唔記得將佢哋嘅姓名同身份證號碼塗去，希望有關議員自己醒水快啲改正，否則畀人去私隱專員公署投訴就肉酸啦。