卓妮尋日又去咗立法會周圍貢，發現Tanya着咗套黑白色連身裙，搶眼得嚟又唔俗氣，原來係Jessica今年夏季嘅新作。卓妮問番方剛有冇留意Tanya嘅衣着，佢話當然有喇，一睇就知係佢自己嘅出品，仲大讚Tanya識貨着得好睇。Tanya仲同卓妮爆料，早前佢着咗一件最少喺八、九年前買落嘅Jessica套裝返立法會，方剛一眼就認出，證明佢記憶力好好，做生意親力親為，一年推出百幾二百款衫都全部認得。

做代言人雙贏

Tanya冇特別鍾情邊個品牌，亦唔係一轉季就去行街掃貨嗰種女人，不過佢話確實對Jessica有啲好感，間唔中都會去望吓，尋日件衫係喺端午節陪阿媽食完飯買嘅，折咗都要過千蚊。問佢會唔會問方剛攞番張ＶＩＰ折扣卡？佢就話大家做同事唔應該問人哋呢啲嘢。

計卓妮話，方剛大可邀請Tanya做代言人，等佢每個星期三着住Jessica嘅服飾去有電視直播嘅立法會開會，就算啲衫完全唔收費，計番廣告費都肯定有賺。

卓妮