鼓勵可「由淺入深」

曾受抑鬱症困擾多年的Sandra直言，當年對親友的勸導完全「聽唔入耳」，反埋怨親友不明白自己感受。最後全靠丈夫一句：「老婆，我真係唔知我哋將來會點，可以點行落去。」Sandra決心求醫，得悉自己只是患上情緒病，才頓感舒一口氣。

劉英傑指，埋怨旁人不明白自己是抑鬱症患者的典型心態，患者亦可能擔心被標籤為精神失常，外國研究顯示一成一患者否認有精神困擾。他指親友鼓勵患者時可「由淺入深」，「唔好一開始就叫佢去玩、去唱Ｋ，因為患者根本無心力咁做，好似叫啱啱腳傷好嘅人去跑一百米，佢反而嬲你。」他建議可先鼓勵患者外出散步或用膳，或陪伴患者留在家中一起看電視或影碟，逐步重建患者與外界的聯繫。親友可搜集有關抑鬱症資料，「慢慢說服佢呢個只係情緒病，唔想睇精神科咪問吓心理醫生先，再唔係問吓家庭醫生都得，叫佢試吓先，唔鍾意咪再諗辦法，總之要佢踏出第一步。」