「啲垃圾堆到成座山咁，同食環署投訴咗成個月都冇人理，依家豬流感又咁勁，又話搞乜嘢全城清潔，全部得個講字！」油麻地唐樓居民湯先生指出，區內不少沒公德心的居民習慣隨手將垃圾拋出窗外，令僭建簷篷上的垃圾愈積愈多，因無人清理而堆成垃圾山。
惡臭擾民 藉詞卸責
湯近月每打開窗戶，即有異味隨風而至，最初不以為意，但臭味愈來愈濃烈，探頭外望驚見下層簷篷堆滿垃圾，保守估計足可盛滿二十多個竹籮，「真係嚇死人，啲垃圾乜都有，餸渣、衞生巾、膠袋，諗得到嘅都有！」湯即時向食環署求助，但職員的回應卻令他啼笑皆非，「佢話個簷篷係僭建嘅，叫我搵屋宇署；之後又話搵唔到個業主，成個月都未清走堆垃圾，冇辦法惟有搵《東方》！」
當區區議員許德亮坦言見怪不怪，並指區內有不少僭建簷篷「垃圾崗」。許與記者在區內巡視，輕易在廣東道、新填地街及上海街等發現不少大廈簷篷均堆滿垃圾，其中在甘霖街一幢大廈的簷篷更傳出陣陣中人欲嘔惡臭，「民政事務局局長落區清潔有乜用？只要佢喺呢度是但搵間屋瞓一晚，佢就知有幾臭！」
許指出，區內大部分舊樓至今仍未成立業主立案法團，僭建物與垃圾堆積問題一直未妥善解決，「食環署應該叫啲業主自己清（垃圾），屋宇署就要加強執法，快啲拆走區內嘅僭建簷篷啦！」許促當局重視問題嚴重性，加強執法，以免簷篷垃圾成播毒溫床。
拘泥職責分工捱批
「舊區好多唐樓成立法團時都有困難，屋宇署係唔係咁就唔使理僭建簷篷呢？唔通又要等有人感染先去做嘢！」立法會民政事務委員會委員陳克勤直指，豬流感潛藏社區爆發危機，政府部門在非常時期不應再拘泥於職責與分工，應盡快處理簷篷「垃圾崗」問題。
食環署發言人回覆指，已即時要求簷篷所屬單位業主清理簷篷上的垃圾，之後職員覆查亦證實垃圾已被清走。發言人強調，該署可引用《公眾衞生及市政條例》要求私人物業業主清理在私人樓宇範圍而又影響環境衞生的垃圾；倘業主拒絕遵守規定，即屬違法。至於有關僭建簷篷問題，至截稿前仍未獲屋宇署回覆。
■記者 許紹基