本文重點
【專案組報道】不良財務公司借中介之名，向借貸人收取極不合理手續費的個案，在失業及破產人數增加下持續上升，消委會今年首三個月接獲涉及個人借貸服務的投訴增幅，較去年同期飆升五成。有借貸人向財務公司借六千元，被七除八扣後，實得八百幾元。本報於一周內已接獲三宗同類被騙求助個案，反映問題非常嚴重。
借六千元實收八百
患有腎病的阿明（化名），突然需要一萬元應急，他在旺角看見借錢廣告，內容謂手續簡便、入息審查門檻低等，遂決心一試。「我填完表，提交證明文件後，嗰間財務公司嘅職員話借一萬蚊冇問題，但佢哋要收七百五十蚊行政費，不過佢之後就話我要去另一間財務公司『出票』，佢講嗰邊會再收八百蚊手續費，但就可以喺貸款入面扣除，我問佢仲有冇其他費用，佢話咗冇我至放心借。」
翌日，阿明到該間財務公司「出票」。「但上到去，公司職員重新睇我嘅資料，佢話只可批六千元。當該職員知道我無擔保人後，就主動為我提供擔保人，但公司要收三千六百元介紹費。唉，洗濕咗個頭，我都冇辦法，到嗰陣時明知畀人呃，都焗住要借。」
消委會今年首三個月接獲涉及個人借貸服務的投訴，較去年同期上升約五成，共有十八宗，包括財務公司要求八個諮詢人、擔保人，並收取查冊費及誠意金等。