豬流感（H1N1甲型流感）殺入香港，政府大做清潔騷，但衞生欠佳情況仍觸目皆是。黃先生發現，長沙灣永隆街與東京街之間一段順寧道食肆林立，長期有食肆於後巷處理食物，有欠衞生，「佢哋放晒點心、點心籠同燒味喺地下，咁唔衞生都冇人捉！」
現場所見，上述橫巷堆積大量垃圾，傳出臭味，有食肆竟將三隻已清除內臟的豬殼隨地擺放。當區區議員梁有方直斥，食物環境衞生署執法得過且過，等同縱容，「明明有法例又唔檢控，係咪又再要有事發生先補鑊？」梁促食環署加強執法以根治問題。
儘管後巷衞生情況不堪，但食環署發言人竟以未有發現為由，指上址衞生情況令人滿意。
