本港足球場設施不足，「有人冇場用」情況比比皆是，但沙田顯徑邨卻出現「有場冇得用」奇景。顯徑邨居民陳先生指區內硬地足球場平日已供不應求，今年四月一日起，連邨內場地亦因為維修及翻新而停用。不過，陳發現場地被封後，維修工程遲遲未見動工，「個場一早封咗話要維修，但成兩個禮拜都唔見有人開工，明明有場都踢唔到波！」
公屋聯會主席王坤指房屋署在事件中難逃監管不力罪責，需增加維修工程透明度以便監管，「最起碼都要畀人知道個施工同完工日期，唔可以話封就封，封咗又冇人開工，呢樣嘢對房署嚟講只係一個好低嘅要求。」
顯徑邨管業處發言人則解釋，早前受天雨影響，工程確受阻礙，現時維修工程已進行中。至於完工日期則只有「另行通告」四字。