半見村位於將軍澳坑口，村口近田洲路的一幅官地約於兩年前開始被堆放大量雜物，並擺放多個鐵籠，居民史先生懷疑有人非法開設回收場，惟多次向不同政府部門反映仍未解決，「成日畀食環署同地政處掟嚟掟去，條路話歸路政署管，後尾地政處起咗啲欄杆，但一樣冇用！」史稱，懷疑因廢物招來的蛇蟲鼠蟻不斷增加，令村內衞生情況每況愈下。
全城清潔得個講字
「啲老鼠、曱甴仲有無數咁多蛇蟲鼠蟻入晒村，我屋企都捉唔少老鼠，依家豬流感咁犀利，政府又話要全城清潔，係咪得個講字？」史不滿政府部門未有顧及回收場引發的衞生問題，令居民惶惶不可終日。
就現場所見，記者發現回收場規模「龐大」，除設置大帳篷外，還有飲水機及電掣，基本水、電一應俱全。至於帳篷之外則擺放有多個滿載廢紙、廢鐵的大鐵籠及大量雜物，只見不停有工人將廢物搬上貨車。有路過街坊乘機向記者大吐苦水，「村民投訴過（回收場）好多次，硬係冇辦法解決，咁多個部門都冇鬼用！」
各自為政 解決無期
對於政府花上兩年仍未能取締非法回收活動，西貢區區議員劉偉章直指問題源於政出多門，加上部門之間各自為政，結果無功而還，「譬如地政（處）要出咗告示先可以做嘢，又要等埋其他部門一齊，等得嚟都有排啦，有人成日走法律罅，你哋捉完，佢第二日又開番！」
立法會民政事務委員會委員陳克勤直斥當局「踢一踢、郁一郁」，令問題解決無期，「簡直係無能，點會出動咁多個政府部門，搞咗年幾都搞唔掂一個非法回收場？」陳認為當局須效法處理回收籠與樹木政策，由一個政府部門「認頭」，再以具阻嚇力的鐵腕手段如重罰物主，方能徹底解決問題。
就上述非法回收場問題，記者分別向民政事務總署、地政總署、警務處、路政署、食物環境衞生署及環保署等六大政府部門查詢，結果六大部門以統一口徑回應稱，自二○○七年年底至今年四月中期間，西貢民政事務處曾統籌相關部門在上址採取六次聯合清理行動；路政署曾設置石柱及改建部分石屎柱為欄杆，而西貢地政處亦已加設圍欄。但對於仍未能解決問題的因由，則未有交代。
■記者 梁少儀