政情：格老送大禮賀任總榮休

金管局總裁任志剛十月榮休消息宣告天下後，不少人爭相評論任總功過，曾經批評香港在九七年亞洲金融風暴中入市嘅美國聯儲局前主席格林斯潘，接受彭博通訊社訪問時打倒昨日的我，港府當年入市決定雖然非常冒險，事後成功抽身，買入嘅股票亦有升值，證明入市決定正確；佢仲反指自己當時係杞人憂天。格老仲讚揚任總係效率最高嘅央行行長之一，位置不易取代，喺任總臨別秋波之際，送頂高帽佢戴；評價咁高，任總都算有面子囉！

直擊人類豬流感最新疫情
詳情瀏覽on.cc《奪命流感》