香港總商會選理事會爆角力戰，自由黨被排擠，政壇再起風浪，暗湧四起。裕華國貨董事副總經理余鵬春爭贏入總商會理事會，「田少」田北俊輸咗一仗，少咗個地盤，不過自由黨副主席張宇人（Tommy）尋日暗示話，前黨友「3L」林健鋒都唔好得去邊，事關余鵬春
咗總商會立法會代表個位好耐，加埋早已蠢蠢欲動嘅李大壯，林健鋒想冧莊，睇怕唔容易嘞。
咗總商會立法會代表個位好耐，加埋早已蠢蠢欲動嘅李大壯，林健鋒想冧莊，睇怕唔容易嘞。
余鵬春的確想選立法會，不過，心水唔止總商會個位，有政界人士話，去年立法會選舉，余鵬春一度部署出戰零售及批發界，當時自由黨勢大，先至迫於讓路自由黨方剛，但就表明無下次。所以三年後余鵬春出戰總商會定零售界，真係好難講。
講番自由黨喺前晚總商會選舉受挫，Tommy話，自由黨以後搣甩大財團黨標籤，包袱輕咗，計落冇乜損失吖，反而總商會無咗自由黨，喺立法會就只得番一票，影響力肯定大縮，前晚總商會排斥中小企，令自由黨支持嘅人落敗，仲隨時激起中小企退會潮添。
林健鋒唔評論總商會係咪處心積慮清洗自由黨勢力，反寸有人搞分化，話總商會排斥中小企。對於余鵬春嘅威脅論，林健鋒就話：「未聽過喎，呢啲係無根據嘅事實！」