兩年前，張小姐與另外兩名友人在旺角合資經營美甲店，由於經驗不足，美甲店經營半年已告結業，「諗住執咗就乜都冇晒，根本冇諗過要通知稅局，仲點會理啲商業登記？」去年九月，張突然接獲警方發出通緝令，被指逾期未有繳付商業登記費，遭稅局追討約三千元。張表示，即時與兩名合夥人商討，才發現二人竟未接獲稅局任何通知。
排名第一成替罪羊
事件令張大為震怒，「間公司又唔係我一個人嘅，點解淨係告我？」張小姐通知稅局有關店舖已經結業，獲稅局接納並取消檢控，但事件卻為她帶來莫大困擾。「佢哋（稅局）都承認唔係告晒所有人，有乜理由我個名排第一就要告我，咁樣好唔公平！」張希望當局能修改現有條例，免日後再有其他無辜市民步其後塵。
香港專業教育學院（葵涌）工商管理系高級講師麥耀強指出，按照《稅務條例》精神，在商業登記中名列首位者一般會被視為主要合夥人，稅局為求行政方便，在追收欠稅或相關欠款時，通常只發信通知首名登記人，「稅局執行收稅工作嗰陣，冇錯係用咗行政方便，但法例係咁都冇辦法，惟有睇吓邊個唔好彩！」麥指上述情況屬合夥經營須面對的風險之一，合夥人無論個人或集體均要負上法律責任。
議員促修例堵漏洞
不過，立法會議員王國興則認為，稅局選擇性檢控有違公平原則，「冇理由排頭位就要孭晒，其他（合夥）人就冇事！」王指違例者並非只有一名合夥人，稅局不能以行政方便或減省開支為由，選擇性地控告其中一人，而應對所有涉事者提出檢控，建議稅局盡早修改相關條例，以堵塞漏洞。
稅務局發言人指出，倘業務經營者未有依時清繳商業登記費及徵費，該局將採取追討行動；但發言人同時又承認，過往未必會檢控每一位違例合夥人，以往亦未有為此接獲投訴，因應張小姐的個案，該局將會檢討有關檢控政策。
生意合夥人齊孭責
合夥人除屬生意合作夥伴外，在法律上亦須肩負共同責任。法律界人士黃國桐指出，一間合股公司一旦拖欠外債，通常只有一名合夥人會被檢控，但其他合夥人亦需與被告人分擔責任，「任何一個合夥人喺外面做嘅嘢，所有合夥人都要一齊孭飛！」黃國桐強調這亦為合股所承擔的風險之一。
■記者 徐曉敏