食物環境衞生署監管街市不力，令通道阻塞問題日趨嚴重。經常到大圍街市的環女士指出，貨物阻塞問題已蔓延到街市各個出入口，並形容情況非常「牙煙」，擔心行人隨時會被絆倒。「個入口已經唔係大，啲檔口仲將貨物擺晒出嚟，阻住出入，唔明點解食環署一直都唔理！」
沙田區議員梁永雄直指大圍街市的設計已不合時宜，促食環署於大圍興建一個較現代化的街市，以迎合居民需要。「好多街坊都話大圍街市啲通道好窄，加埋有貨物阻路，行人要左閃右避，仲助長咗啲扒手『搵食』，所以食環署應該加強巡查。」
食環署發言人則表示，一向關注大圍街市的阻塞情況，除派員巡視外，亦定期進行突擊執法行動。接獲本報轉介後，已即時派員巡查，期間向違例阻塞的檔戶提出十二宗檢控，其中三宗涉及阻塞街市出入口。