■記者 徐曉敏
位於黃麻角道的赤柱公立醫局屬普通門診，門前分別設有兩個救護車專用泊位及傷殘人士泊位。居民李先生發現，救護車專用車位常被普通車輛佔用，且以醫護人員居多，「真係睇唔過眼先同東方投訴，點知登咗報紙之後，啲醫生都係照泊，離晒譜！」
辯稱趕返學無泊車位
事實上，記者數度查證，均發現專用車位泊有不同車輛，惟獨不見有救護車。另一居民王小姐亦稱，常有一輛寶馬房車停泊於醫局門外，並在車頭擋風玻璃放了一張以電腦打印的「醫生車 赤柱普通科門診診所示」告示，「嗰度明明係救護車位，寫張紙話係醫生車就可以免費泊，唔通醫生大晒？」
記者按車輛登記資料向赤柱公立醫局查詢，一名護士直認是寶馬車主，並稱「我哋醫局通告多數都係咁寫（醫生車），並非冒認醫生。」但追問下，才承認該張所謂「醫生車」告示，是有人私下自製，並非出自診所之物，至於由誰人製造，該名護士則推說不清楚。對於濫泊一事，該名護士辯稱：「我哋（醫護人員）好多都唔係住喺赤柱，每日返工放工好轉折，診所又冇職員車位，赤柱泊車位又少，迫於無奈先泊喺度！」她更指早前本報報道濫泊事件後，已沒有醫護人員車輛停泊，她因「趕返學」才出此下策，已承諾不再違泊。
病人組織斥知法犯法
病人互助組織聯盟主席張德喜直斥有關醫護人員知法犯法，完全漠視病人性命，「救護車位應該泊救護車，冇理由變咗醫生車位，無論醫生定護士都應該知道咁樣做唔啱，冇理由知法犯法！」張認為有關診所必須正視並作檢討，以免影響救援。
「救護車位如果畀人霸咗，我哋就要叫差人封路，或要喺馬路中心接載病人，都幾麻煩！」消防處救護員會主席屈奇安表示，過往雖然未曾接獲任何市民反映，惟救護車位一旦被阻塞，容易危及病人性命。
港島東醫院聯網發言人證實，涉事車輛屬該診所一名職員所有，偶然會因急事而停泊於診所門外，但未有長期停於救護車專用車位。發言人重申，絕不鼓勵任何車輛違例停泊於救護車專用車位上，一旦發現違泊會勸喻有關車輛離開，並在有需要時報警求助。警方發言人則承諾加強上址巡邏，一旦發現違例車輛，將採取適當執法行動。