政情：阿涂Laughing上身寸爆任總

金融管理局有關雷曼事件嘅檢討報告一拖再拖下，終於畀聆訊委員會委員公開引用保密嗰部分，睇過呢啲內容嘅民主黨涂謹申寫包單話，大家睇完嘅第一反應該會係驚訝，跟住就Laughing（大笑），直情變Laughing哥喇，事關所謂嘅保密內容根本只係統計數字。金管局總裁任志剛一直極力抗拒公開報告內容，又話會影響調查、法例唔容許，阿涂睇完都話令人費解，佢仲做埋期望管理，叫啲銀行大班唔使驚公開後會搞到擠提，雷曼苦主亦唔好以為公開咗表示救星到。