本文重點
【本報訊】熟悉日本法律的大律師林沙文，自費赴日希望找出「衞詩案」真相，他聽審完畢後指案件仍疑點重重，他說：「辯方律師喺庭上重提關楚耀被日本警方拉嘅時候承認藏大麻，但最終冇告到關，呢個陳述好耐人尋味，究竟關係咪真係藏大麻呢？係咪有人認咗海洛英，大麻嘅就唔再追究？」
林沙文續提出連串疑問：點解辯方律師要喺庭上講呢樣嘢？講完再由衞詩確認，咁對Jill冇好處，係咪有人透過指出「有人藏大麻唔告，藏海洛英就告」，當咗呢樣嘢係求情嘅基礎？咁樣好唔理想，當中又係咪有妥協成分？引起好多揣測，好多疑問、疑點。
被問到關楚耀未有被控，是否與求情信有關？林認為未必，他指當日傳出找到海洛英時，關仍然被扣留一段時間，他一走，可能代表有人承認控罪，攬海洛英上身，反映出可能Jill起初唔肯認。
緩刑禁入境矛盾
林沙文續指，衞詩雖判緩刑，但法律禁止她五年內踏足日本，他說：「緩刑三年但禁入日本五年，好似有自相矛盾之處，但當事人若有特別理由，五年內仍可向日本申請入境。」