領匯懶理壞搵人命較飛

■記者 梁少儀

居民指最近升降機經常傳出怪聲，擔心與機件損壞有關。	記者採訪當天，遇上其中一部升降機進行維修，等候乘搭升降機的人龍「見首不見尾」。	放大圖片

德田邨有三幢公屋依山而建，前往山坡下的商場，需依賴兩部停車場升降機接駁，否則便要行約四層樓高的樓梯或斜坡。但已有十八年「齡」的升降機最近故障頻仍，住戶方先生坦言見怪不怪，「淨係今年一月到三月已經壞咗成廿次，整完又壞、壞完又整，都唔知幾時先真係整番好！」方又說：「有冇得搭對長者與傷殘人士影響最大，呢條邨好多老人家，有啲仲要坐輪椅，根本冇可能日曬雨淋咁兜山路上上落落！」

排長龍大吐苦水

記者在德田邨「試搭」兩部升降機期間，其中一部正在維修，輪候乘搭升降機的居民大排長龍。不少居民乘機向記者大吐苦水，怒斥領匯管理不善。鄧太憤怒地說：「一個禮拜起碼有兩、三日壞，領匯淨係識賺錢，根本唔理我哋死活！」

當區區議員柯創盛亦狠批領匯不顧居民利益，「領匯點會容許承辦商整咗咁多次都仲成日壞，究竟係咪機件有問題？會唔會影響居民安全？」柯指單在今年一月至三月初的兩個月內，已壞二十次（見附表）。

對兩部升降機在兩個月內壞廿次，香港理工大學機械工程學系工程師盧覺強亦深表驚訝，「兩個月壞成廿次都真係幾多，平均每個星期壞兩至三次，兩部真係要認真檢查一下！」

領匯發言人未有評論事件，只稱會敦促承辦商加強對升降機的維修保養。至於負責升降機維修保養的通力電梯（香港）有限公司發言人則解釋，由於升降機一個部件（行內俗稱「路軌雞蘇」）出現輕微損蝕致發出摩擦聲音，但並無引致行機安全，更換後問題已解決。