普遍立法會議員都有戴眼鏡，好似劉健儀（Miriam）和涂謹申自小學已開始戴眼鏡，可能大學讀法律咪得書多，近視愈來愈深。Miriam有成三百幾度近視，阿涂更高達一千度近視，但兩人從來無諗過做激光矯視手術，理由係已經慣咗戴眼鏡，唔想改變喎！
阿涂近排有新戀情，春風得意，成個Look執到正一正，又戴鮮黃色框眼鏡，非常搶眼，但最敗筆就係副眼鏡厚厚嘅鏡片，看起來好多圈圈，搞到個樣好似唔夠瞓咁。阿涂話，戴咗眼鏡咁多年，唔戴反而唔聚財，況且做激光矯視又貴，所以維持現狀好過。咁又係，最緊要女朋友睇得順眼就得！
至於Miriam就因為近視度數太淺，唔係咁適宜做矯視手術，加上本身眼乾又唔適合戴隱形眼鏡，所以無得揀，一定要戴眼鏡，橫掂由細到大都畀人叫慣「四眼妹」。不過，Miriam都試過破例戴隱形眼鏡，就係當年結婚時因為貪靚，結果戴咗一日隱形眼鏡。所以話凡事無絕對，貪起靚上來乜都會發生㗎！
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |