【本報訊】有人涉嫌賄選成為美林邨街坊過去兩日茶餘飯後的話題，不論在公園或是商場，都聽到街坊議論紛紛，有街坊更批評說：「做醫生就做醫生啦，搞咁多嘢做乜吖！」
李躍輝向街坊派發宣傳環保袋，袋上印有巨型的１字，正是他的候選人編號，但他刻意不讓自己的面容在袋上出現。袋的前後印上九大政綱，包括「健康問題，你我關心」、「失意時，有我在」、「遊山玩水增感情」、「慳錢大行動團購」及「耆英事事我關心」等。
家住美林邨二十多年的鮑女士批評李躍輝的助選團作風強悍、橫蠻，她更指，「我住咁多年都未見過咁墟冚嘅場面，如果佢當選咗，我只可以講句好失敗囉。」街坊陳先生更直斥：「我要選你，你咩都唔做我都去投票，但人哋唔想選你，就算跪喺度都冇用，不能過晒火位，踩住灰色地帶做事。」
由於有人藉福利會名義宣傳出格，美林商戶聯會亦出聲明譴責指，「近日，由於本邨的區議會議席進行補選，參選人是有史以來最多的，也最複雜，更有些參選人持着財大氣粗，竟到了走火入魔的境地。選舉是否要有公平競爭？還是金錢上的競爭？」
星期日舉行的沙田區大圍選區補選，投票率高達百分之四十九點零二，可見氣氛的熾熱。結果李躍輝只得七百九十票，其對手梁永雄則以二千八百多票當選。