T9前後雙鏡靚勻全身

絲打們要呃Like收兵，除咗影美顏大頭相外，得閒仲要放兩張全身相「慰勞」一眾粉絲。美圖（Meitu）新推出的T9就能讓各位由頭靚到腳，除提供不磨皮美顏技術外，還特別加入全身美型功能，幫大家執埋身形同雙腳。連「女神」劉佩玥試玩後都大讚︰「咁易就可將自己變成『九頭身』，等我介紹畀班好姐妹先！」

T9雖然機身頗大，但兩邊流線加上機側設有快門鍵，劉佩玥話單手自拍冇難度。<br>售價︰$5,299

T9雖然機身頗大，但兩邊流線加上機側設有快門鍵，劉佩玥話單手自拍冇難度。
售價︰$5,299

雙V形流線設計

美圖手機系列向來貴精不貴多，繼去年的T8s後，早前於北京發布的後繼機T9亦終於抵港。新機沿用家族式雙V形機身，設計流線亮麗，提供醬果紅、星雲粉兩色選擇，比常見非黑即白的智能手機要Lady得多。雖然6.01吋屏幕並非流行的無邊框設計，但提供2,160×1,080解像度，顯示比例為18:9，煲劇尺寸啱啱好。特別一提是機身右側特設實體快門鍵，以便各位單手自拍，設計細心。

輕鬆美腿減肥

新機繼續以「P圖」為賣點，前後均設有1,200萬像素加500萬像素雙鏡頭，支援骨骼點識別技術，系統會準確定出人體骨骼位置，配合人景分離技術達致全身美型效果。即場以Model試相，拍攝時可於介面調校腿長、頭部大細及肥瘦程度，令人看起來更修長苗條。不過切忌執相太重手，想自然啲用中級程度就得啦！

機背設有雙鏡頭及智能補光燈，劉佩玥都讚佢影相靚。	沿用家族式雙V形設計，6.01吋大芒上方設有1,200萬像素加500萬像素自拍雙鏡。	全身美型模式可微調人像腿長、頭部大細及肥瘦程度。
內建獨立Hi-Fi晶片，可按需要調校音效模式。	採用Snapdragon 660八核心處理器，《AnTuTu》有141,875分，表現不俗。	可插入兩張nanoSIM卡，但不支援microSD擴充容量。
機底設有喇叭及USB Type-C插口，3.5mm介面要另駁轉插器。	提供星雲粉、醬果紅兩色選擇。

逆光保留細節

針對自拍需要，手機還提供逆光模式及不磨皮美顏技術。前者可將人像、光線分離重構，避免相片過分曝光或主體太暗；後者則會在美顏時保留皮膚細節，並可記錄五官、膚質等特徵，唔怕P圖搞到面目全非。軟件獲得優化，硬件亦同步升呢，此機為美圖首款採用 Snapdragon 660處理器的型號，配置6GB RAM及128GB ROM，即使多工作業也能保持流暢。另內建獨立Hi-Fi晶片及SLS超線性雙喇叭，人聲和音樂更純淨，環繞聲也比上代提升不少。