Tiny T1迷你手機變聲有趣

手機尺寸愈來愈大，但有廠商卻反其道而行，推出只有手指公咁細嘅手機Tiny T1，體積只有46.7×21×12mm，僅重13g，細得誇張。咪睇佢咁迷你，它備有0.49吋OLED屏幕、nanoSIM卡槽、microUSB插口及實體按鍵，可收發電話、傳送訊息、接駁藍牙耳機及儲存300個聯絡人，用作基本通話都唔失禮。操控方面，受其Size所限，所以按鍵都幾難撳，幸好屏幕設有背光燈，輸入時有英文語音提示，有助減低按錯號碼機會。而且打出電話時都幾大聲，話音質素清晰，美中不足係唔識震機，身處鬧市便容易Miss Call。此機另一賣點是支援變聲功能，講電話時可變成老人聲、卡通聲或機械人聲。值得留意是它只屬2G手機，唔係個個地方都接收得到。