田園Glamping即摘蔬果

網址：bit.ly/2I7JjNO

Namegata Farmers Village剛開設Farmglamping設施，每晚每位住宿由¥9,100（約HK$655）起。

營地前方是一片廣闊田園，大家可即摘當造蔬果並享用BBQ。

刪去細節幾何美學

隨着科技進步，影像變得愈來愈細緻清晰，卻少了一份朦朧抽象美。來自柏林的插畫組合ZEBU，相信藝術是要給予觀賞人士想像空間，遂以日常生活為題材，刪去不必要的細節後，創作出主要以幾何圖形拼湊而成的畫作，顏色鮮明繽紛，並帶出陣陣幽默感，在網上聲名大噪。除了平面創作之外，亦會不時到世界各地繪畫壁畫，如墨西哥城、上海、倫敦等，把這份來自德國的色彩帶到不同地方。

Instagram@z_e_b_u

辦公室日常生活是藝術家愛探討的主題。

來自柏林的藝術組合ZEBU，愛以幾何圖案拼湊畫作。

神奇恤衫防污防皺

對於上班一族而言，最怕係恤衫滿布摺痕或者被弄污，Lotushirt神奇恤衫可以話係救星。這個剛喺Kickstarter集資的新品，外形同一般白恤衫分別不大，卻用上彈性記憶紗線，達致免熨無摺痕。而布料表面加入納米技術，有效防水防污，就算被咖啡、橙汁、汽水等濺到，都可以輕鬆抹掉。各位想做Backers支持的話，入場門檻折約$463港元，預計8月出貨。

網址：kck.st/2Fpw6On

Lotushirt採用彈性物料，防污防水之餘，免熨又快乾。

官方試片中，就算在恤衫倒上咖啡、汽水等都唔會污糟。

魔神英雄傳Pop Up Cafe嚟喇

「機會嚟喇！飛雲！」這句潮語相信大家不會陌生，其實佢係出自30年前的動畫《魔神英雄傳》，為紀念30周年這個別具意義的時刻，日本Princess Cafe即日起至7月11日，在東京秋葉原、池袋、大阪、名古屋和福岡5間分店推出限定料理，現時至6月7日率先在秋葉原店開幕，提供神奇飯團、星界山梳打餅，以及各位主角模樣的甜品和飲品等，點選飲品的話，還有機會得到限定杯墊；另可盡情搜購襟章、掛飾、文件夾等。

網址：pripricafe.com/wataru/

主角飛雲、武一郎師傅、火美子等，相信大家記憶猶新。	神奇飯團有三文魚、梅子和明太子3款味道，已有網友率先試食。	班戟和芭菲等都加入主角模樣來設計，粉絲可會捨得吃？

變裝王后化邊個似邊個

來自英國曼徹斯特的Drag Queen「變裝王后」Alexis Stone，憑着超勁的化妝技術，將自己變成多位名人紅星，勁就勁在他模仿的名人有男有女，有老有嫩，真係化邊個似邊個，名單包括英女王伊利沙伯二世、特朗普、米高積遜等。Alexis經常在網上分享化妝影片和相片，使他成為IG和YouTube網紅。當你看過他的「變臉」過程後，相信都會覺得出神入化。

Instagram@thealexisstone

這是Alexis Stone（又名Elliot Joseph Rentz）的真面目。

扮英女王伊利沙伯二世、影星里奧勒度狄卡比奧和美國總統特朗普唯妙唯肖。

台版Baby電死你！

幾時都話，要成為IG女神，除咗人要夠靚，身材要夠好之外，最最最重要係夠大方，有好嘢唔好收收埋埋，多啲益吓大家，咁就自然人氣高漲啦！好似今次介紹呢位台灣妹子黃琳（IG@lovelynnboo），樣靚笑容甜不在話下，更有着「台版Angelababy」稱號，雙眼電力十足，仲經常派發「軍糧」，泳衣相火辣辣，真係愈睇愈開心。

撰文：副刊組

相片：互聯網圖片