新手恩物EOS 3000D

好多人覺得學攝影門檻好高，事實上今時今日的機種唔單止選擇多，就連單反相機亦只需要幾千蚊就有交易，好似全新Canon EOS 3000D入門級單反，唔單止有齊晒初學者需要的簡易功能，仲有埋Wi-Fi畀你即刻Share靚相。

389g輕巧機身

單反相機向來予人笨重累贅的感覺，不過3000D的機身尚算的骰輕巧，淨重僅389g，就算單手拎住影相都冇難度，加上其操控性主要針對新手使用，故此按鍵的鋪排和設計相當簡潔，而模式轉盤同時做埋開關，減少繁複的操作，除了進階模式外，亦支援新手專用的自動模式，以及人像、風景、微距等模式，務求令新手可以立即上手。至於背面就配備2.7吋23萬像素屏幕，雖然沒有反芒設計，但一般Live View取景、睇相都足夠有餘。

跟機的18~55mm III鏡頭套裝，不支援IS防震功能，想確保畫面清晰就要提高快門速度。	光學觀景器內可以睇到9點對焦點，中央為十字型對焦點。	新機的設計相當簡潔，旁邊僅設有HDMI和USB接口。
內置閃光燈需要手動升起，並非彈出式設計。	機頂的模式轉盤包含了開關功能，提供人像、風景、微距等模式。	鋰電池提供860mAh電量，以觀景器拍攝的話，可以拍攝到大約600張相片。

1,800萬像素感光元件

縱使3000D的定位屬於入門級，不過亦內置APS-C尺寸的1,800萬像素感光元件，以及DIGIC 4+影像處理器，感光度唔單止提供ISO 100~6,400，亦可擴展至H（ISO 12,800），就算室內抑或昏暗環境拍攝都冇問題，而連拍速度亦做到每秒3張，雖然唔算好快，但對於新手來說都勉強夠用，而機身備有9點對焦系統，中央對焦點為十字型，對焦速度和準繩度亦相當高。不過要特別留意跟機的18~55mm套裝鏡頭，不設IS防震技術，所以影相時建議使用較高速的快門。

試相區<br>新機的色彩忠實呈現，而且1,800萬像素的成像質素頗高，微距拍攝時花蕊的線條實淨。

試相區
新機的色彩忠實呈現，而且1,800萬像素的成像質素頗高，微距拍攝時花蕊的線條實淨。

新機備有的Wi-Fi功能可連接《Canon Camera Connect》手機App，做到遙距拍攝和實時操控。

新機備有的Wi-Fi功能可連接《Canon Camera Connect》手機App，做到遙距拍攝和實時操控。

備有多款濾鏡特效供後期加工，例如魚眼、模型效果等。

5款特效 Wi-Fi些牙

家陣好多人影相都會後期執相，3000D本身內置了5款創意濾鏡特效，包括魚眼、模型效果，就算唔識執相都玩到唔同的拍攝效果，執到靚一靚。為了做到影完相立即Share，今次3000D都植入時下大熱的Wi-Fi功能，能夠配對《Canon Camera Connect》手機App，既可以做到遙控操作，並支援實時預覽功能，等你篤住手機芒就影到相，同時App能夠下載相機內的相片及影片，畀你第一時間分享到facebook、IG、YouTube等社交平台。