KeySmart Pro智能追蹤鎖匙

出街最怕唔見鎖匙，若然鎖匙扣有追蹤功能就好喇！來自芝加哥的KeySmart Pro是一個智能鎖匙扣，外形似足萬用刀，長95mm、闊16mm，僅重40g。它內藏Tile追蹤晶片，可與手機App連動，只要一按程式的尋找功能，鎖匙扣便會發出響聲以提示所在位置；若超出手機連線範圍，也可開啟地圖找尋其最後連繫位置，喺街跌咗都有機會搵得番。它同時支援反向追蹤功能，撳一下鎖匙扣的Tile按鍵便可令手機響起。它可收納2至14條扁身鎖匙，內置電池續航達3個月，並植入LED電筒及開瓶器，功能多多。