新年外遊 日韓SIM卡推介

農曆新年長假，日本和韓國可說是港人的旅遊熱點。想喺當地上網打卡，買張漫遊SIM卡係最抵玩嘅方案。日本方面，近期最熱門係由中國聯通推出的「日本7日上網卡」，它使用日本SoftBank網絡，提供當地4G無限數據以及100MB香港數據，不過當總數據用量達3GB後，便會限速至128kbps；小記在鴨寮街的攤檔，見到它只賣$80，計番每天只需$11.4，相當抵玩。如果數據用量較多的用家，則可考慮3推出的「日本7天無限上網」，用上Docomo 4G網絡，首7GB全速4G運行，其後數據才限速，街價$100左右，除番開約$14.3一天。