Kill Time打怪考反應

手機遊戲愈出愈多，有時真係多到唔知玩邊隻好，電競太刺激、解謎太傷神、升級太花時間……如果想搵款唔使用腦嘅Kill Time遊戲，大可試吓剛於8月上架的《Questy Quest》，玩法相當簡單，畫面上方會出現怪物，下方則有木條高速移動，當木條移到標靶位置時，各位只要篤芒即可擊中怪物。不過怪物血量會隨關卡遞增，第一關打一下，第二關打兩下，小記打到第60關怪物要連續擊中60下才能過關，中間打失或錯過攻擊時機便算失敗，都幾考玩家反應；幸好每鋪數十秒就玩完，仲可利用冰凍、電擊等藥水輔助，搭車等人時無聊篤吓芒，用來Kill Time一流。