Hobo Bag水餃袋

女人開心買袋，唔開心又買袋，但有時有啲手袋係靚但實用性又未必高。如果選實用性同配襯性兼備款式，就不得不提俗稱「水餃袋」嘅Hobo Bag。名字源於浪流者（Hobo）的Hobo Bag，設計通常都採用弧形線條，並會選用較柔軟的皮革，如羊皮或麖皮打造，因此容量亦較高。而手袋頂部都會附有短小手挽，可作手挽或上膊使用，部分品牌所推出的Hobo Bag更會附送多一條可拆式長肩帶，以便將手袋變成Crossbody款式。今季多個皮具品牌都推出Hobo Bag設計，袋型、顏色及細節各具特色，女士們可以自行對號入座揀隻啱心水的「水餃」。