潮店力撐本地薑

看似大路　實則主攻Local品牌

開業僅3個月的Good Vibes Only Store，以白色牆身襯光面水泥地作室內裝潢，天花則採用圓形光管，相當前衞有型。主理人Kurtis本身熱愛收集潮流玩意及藝術擺設，故趁機在店內將多年珍藏公諸同好。入到店內，不難發現村上隆的KaiKai Kiki掛畫及其與Vans聯乘推出的滑板，四處也擺滿跟Kanye West有關的擺設，如KAWS掛燈、演唱會海報及由多本《TIME》砌成的掛畫；加埋大大張Lady GaGa×Supreme海報、Futura真迹作品及日本M&M木製家品等。格局睇起上嚟，令人以為係賣大路潮牌和炒物居多，但其實以上潮物統統都是只供欣賞的非賣品。事關店舖主攻的是本地品牌設計，當中不少新進品牌的主理人及設計師，都是Kurtis的好友。由於彼此風格相近，即使將大家的設計撈亂嚟襯也絕不突兀。

鐵網後就係Kurtis的工作區，天花掛上多塊Supreme滑板，左邊擺放多張M&M木椅，右邊則展示了全套Nike AIR YEEZY及adidas Originals YEEZY BOOST，全部都係其個人珍藏不作發售。	店舖主理人Kurtis。	由Jen Lewis將Kanye West及Kim Kardashian接吻照片（攝影師Jason Merritt拍攝）惡搞成「Kanye West Kissing Himself」的掛畫。

精選推介　以本土文化出發

當中好似TSC CLOTHING（THAT SHIT CRAY）及RAW EMOTIONS雖同樣由Kurtis負責設計，但兩個品牌的風格卻明顯不同。前者主打一系列Earth Tone的Hi-Street造型單品，如Hoodie、Damage Jeans及Dad Hat等；而後者則大玩Patchwork Shirt及Photo Print Tee，除加入「原始情緒」字樣之外，仲有大家熟悉的「浩南哥」劇照，設計完全以本土文化出發。

1套3款的村上隆×Vans滑板。	牆上掛有村上隆的KaiKai Kiki掛畫。	RAW EMOTIONS除採用「原始情緒」字樣創作服飾外，仲加入大家熟悉的「浩南哥」劇照，設計完全以本土文化出發。

另一個於店內發售的品牌CASHMERE PULLOVER，其主理人Jerryhaha是一位年僅18歲、旅居日本的後生仔，服飾主要走二手古着風格，全部單品均由他自己一手一腳打造，絕對值得支持。至於APPROVED CLOTHING及DAGGER，則分別由本地歌手Anson Poon（潘伯仲）及Rapper Dough Boy主理，二人透過融入音樂元素，打造出Patchwork Sweater及Kimono等設計。除服飾外，店內亦引入本地袋飾品牌NUEDEN，其注入MA-1剪裁細節的巨型斜孭手挽袋，將軍事風格玩得淋漓盡致！

RAW EMOTIONS 黑×粉紅色拼接上衣 $640（A）	TSC CLOTHING黑色長袖上衣 $380（A）	CASHMERE PULLOVER黑×黃色拼接連帽衞衣 $780（A）
RAW EMOTIONS灰色麖皮短靴 $1,380（A）	NUEDEN手袋 $1,580（A）	DAGGER黑色和服外套 $480（A）

其他本地潮牌

提起本土潮牌，就不得不提近期人氣極高的Jogger Pants品牌LAKH supply。其將Pinroll及Jogger Pants二合為一的簽名式褲腳設計，頗受潮人歡迎。此設計的最大特色是：在正常情況下，有Red Line（Selvedge）細節的內層褲腳會隱藏於Jogger Pants褲管內，只要將此內層褲腳拉出再隨意捲起，就可以輕鬆將Jogger Pants變成Pinroll形態。由於Jogger Pants褲腳設有橡筋，故Pinroll時唔會好似普通牛仔褲咁容易鬆開，絕對係聰明又方便嘅設計，邊個話本土潮牌冇好嘢？

LAKH supply褲款的特別之處在於橡筋褲腳下隱藏附有Selvedge（俗稱Red Line）細節的內層褲腳，可以令Jogger Pants隨時變身Pinroll。

LAKH supply Classic Pinroll Jogger in Light Blue $480（B）

撰文：賴文曦　

攝影：莫文俊

查詢：（A）9406 0167、（B）www.lakhsupply.bigcartel.com