Orbi AC3000網絡穿透4,000呎

身邊唔少朋友投訴，屋企明明用緊1,000M寬頻，但上網依然唔夠快，有啲位仲完全收唔到，其實好大機會係路由器問題。採用三頻設計的Orbi AC3000無線網絡系統，支援802.11b/g/n 2.4GHz及802.11a/n/ac 5GHz規格，生產商Netgear表明其信號貫穿力特強，就算住喺4,000呎大屋都接收得到，秘密在於它由主機路由器及衞星路由器兩機組成，前者擺在客廳時可發射信號給身處房間的衞星路由器，從而擴闊覆蓋範圍；加上採用獨立5GHz 1,733Mbps方式連接，就算多人一齊上網都唔會變得「龜速」，最多可連接近250部裝置如手機、平板、電腦、相機等。由於新機採用單一SSID設計，用家毋須特意設定，比傳統用作提升網絡覆蓋範圍的中轉器（Repeater）或擴展器（Extender）更方便。