神召騎士團 擲骰仔RPG
又係抽卡進化、又係RPG對決，仲有乜新意加入王道遊戲內？《神召騎士團—命運之戰Summoner Of Dice》就加入擲骰仔玩法，每張角色卡除咗有不同稀有度，仲附有步行點數，可以好似《大富翁》咁按點數行走，途中可拾取金幣藥水及打倒敵人拎寶箱，抵達終點挑戰Boss。過程中有機會出現命運對決，需要擲骰仔定勝負。
另一吸引之處是故事由小說改編加上日本聲優演繹，講述被諸神之戰牽引的王國，玩家要帶領騎士團角色保護公主及喚醒被封印的力量，而各個角色均擁有必殺技能，並分為近戰、弓箭、魔法等類別，作出不同範圍的攻擊。此外，玩家可與好友線上挑戰關卡和PvP對決，更可組成35人騎士公會討伐魔神。只是首抽大多只抽到三星或四星嘍囉，真係要畀啲耐性「升呢」！
