椿原愛健美高妹

人見人愛

身邊好多朋友對小弟嘅嗜好都充滿疑問，問我睇慣剝光豬演出嘅AV女優，卻又依然對三點不露嘅水着妹有興趣。其實，兩者感覺實在截然不同，水着妹嘅賣點在於健康性感，比起主打淫猥床上演出嘅AV女優更具陽光感覺，睇幾多次都令人精神奕奕，相反睇得AV多，就會導致精神不振！而近期值得欣賞嘅水着妹椿原愛，渾身充滿陽光味喇！22歲嘅椿原愛塊面方方哋唔算係瓜子口面，但係五官生得標致，而且氣質迷人又嬌美，亦帶幾分精靈可愛，實在係人見人愛。身材方面，曲線玲瓏且肉地結實，豐滿得嚟不失健美感，一對F Cup咪咪大而堅挺，論睇頭未必夠篠崎愛、杉原杏璃等巨乳妹咁震撼，但係阿妹勝在彈性非凡且出於天然，吸引力非一般巨乳可比。

炮製三餐

椿原愛身材之所以咁弗，相信係同佢成日做運動有關。中學開始，愛妹迷上田徑運動，除咗跑步之外，跳高實力非凡，跳出相當好成績，所以升讀高中嘅時候曾代表學校參加校際運動比賽，及後阿妹有機會參與更高層次嘅賽事，不過佢放棄咗比賽，因為佢選擇做模特兒，初出道時就為時尚雜誌《小惡魔ageha》拍硬照，後來成為女子組合「香草★Kiss」成員至今。另外，愛妹一副健美身材獲得寫真界賞識，首部寫真映像作品就係《戀愛之綵排》。現時椿原愛主要嘅工作係拍水着寫真及出席各大小攝影會，阿妹話雖然拍寫真都幾辛苦，不時需要喺寒冷天氣底下到戶內拍攝，但係工作過程相當愉快，令佢愈來愈喜歡拍寫真。而為咗保持住一副健美身材，以及為觀眾提供更優質嘅視覺享受，愛妹嘅三餐都係由佢自己親手炮製，咁就可以控制到分量同卡路里攝取量，愛妹你真係抵錫呀！

椿原愛 Profile

年齡：22歲

身高：5呎5吋

三圍：35F-23-34

社交網站

簡介：椿原愛喺Twitter上頻密地分享最新動向，包括生活點滴及工作情況，當中可以見到愛妹換上性感水着嘅寫真照，Click入去睇一定大飽眼福。

網址：https://twitter.com/t_aiai

撰文：賢