Gadgets速製浪漫 5招冧女神

第1招 Hologram 投影示愛

以手機WhatsApp甜言蜜語就試得多，成個人彈出畫面示愛又試過未？近年大熱嘅Hologram全息投影，只需要簡單一部手機、一張膠片就DIY得到，各位可先將透明膠片剪成4個邊長約6cm梯形，再用膠紙黏成一個倒金字塔形狀嘅裝置。最後將它放喺手機屏幕之上，當播放Hologram影片或相片時，便可睇到類似懸浮嘅3D影像效果。大家可事先用手機拍定示愛短片，再透過《Holapex Hologram Video Maker》等免費App，即可變成全息影像畀對方驚喜。

將膠片裝置放喺手機屏幕上，水平睇便可看到立體投影效果。播放時建議將屏幕亮度調校至最高，並且調暗環境光度。	將膠片剪成4個邊長約6cm嘅梯形，再黏成倒金字塔形狀即可。	《Holapex Hologram Video Maker》會將影像一分為四，利用光線投影出來。售價：免費（Android、iOS）

第2招 DIY創意紙品

明天就係情人節，臨時臨急揀唔啱禮物，一於親手整隻公仔畀女神啦！別以為好大陣仗，屋企有部打印機就搞掂，不少大廠如Canon、Epson都提供創意打印專頁，更推出情人節特別版素材教大家炮製Paper Craft紙品。例如喺「Canon Creative Park」揀選愛神公仔，下載紙樣並打印出來，再用鉸剪、膠水等剪貼就搞掂，公仔細緻之餘個頭仲識郁，真係幾得意。

立體打印公仔夠得意，唔使一個鐘就砌好！

網上可免費打印立體素材，按指示剪出和黏貼就得。

創意打印素材 Epson PrinTown 網址：http://my.epson.jp/myepson/alluser/printown

Canon Creative Park 網址：http://cp.c-ij.com/en/

第3招 QR Code傳情

縱有千言萬語情話，但面對面時卻難以啟齒，唔想雙方尷尬，大可利用「密碼」將情話內容、Emoji等表達出來。網上不少QR Code製作器可直接輸入文字和圖案，之後便可製成獨一無二嘅QR Code，女神用手機一嘟即可睇到內容，既含蓄又可表達愛意。大家甚至可以將QR Code打印出來，插入鮮花、心意卡或禮物便大功告成。

3D心意卡入面擺個情話QR Code，效果肯定更冧。	嫌QR Code黑白色太單調，仲可更換顏色背景等。 網址：http://www.qrhacker.com/	QR Code除咗可以儲存網址，加埋文字和圖案都冇問題。

第4招 航拍遙距表白

近期航拍機大熱，連美國Super Bowl都用嚟助興，可見航拍機唔單止拍嘢叻，用嚟表演和示愛一樣掂。最簡單係喺無人機掛上小禮物、紙品或戒指等，遙距送畀情人，仲可經航拍鏡頭影低另一半嘅驚喜表情。想再簡單啲，Wingsland S6無人機嘅頂部設有電子接點，可加裝LED表情板，用手機App即可輸入文字及預設圖案，以走馬燈形式顯示「I LOVE YOU」夠晒Sweet！

第5招 合照加心思

拍拖飯局唔少得影吓甜蜜合照，除咗擺上面書放閃，其實沖曬相片出嚟再手寫動人字句，送畀對方更顯誠意。依家曬相唔使特登走去沖印店，有部流動迷你打印機就得，好似LG、Polariod等都有出品，Kodak新推出的PD480仲植入Lightning插座及USB插口，插入手機後可經App直接印出4R相片，還可經專用App調校光暗、對比等，甚至加入濾鏡、圖案、文字，就可炮製出甜密合照。

Wingsland S6航拍機可加裝LED表情板示愛。售價：$2,880（淨主機）、$200（LED表情板） 網址：www.hkaircraft.com	Kodak PD480採用熱昇華打印技術，可打印4R（4×6吋）相片。售價：$1,380 查詢電話：3173 6080	備有專用App，可於打印前為相片加入不同特效。

撰文：林子聰

攝影：莫文俊、林子聰

模特兒：Melody Kan、Chea Lun