萌爆吉蒂貓兩軸電動雲台

今時今日用手機影相拍片，又點少得電動雲台幫手呢？近日連Hello Kitty都踩過界，針對女生推出手機雲台，特別用上白色襯粉紅主調，配以吉蒂貓大頭，粉絲又點可以錯過！今次的SwiftCam Hello Kitty電動雲台，外殼以塑膠製造，拎上手嘅感覺有啲似玩具，並加入兩軸穩定系統，可做到前、後、左、右轉動，但就做唔到水平旋轉。幸好機身簡單易用，只有上/下鍵、校正鍵和開關幾個掣。而手機夾備有彈弓及平衡重量配件，可夾實唔同尺寸嘅手機，加上雲台以6枚AAA電池驅動，換電相當方便。