Passport Duo攝影腰包變背囊

Lowepro有40多年製造相機袋經驗，唔少影友都聽過甚至用緊其出品，近日廠方發布多款新品，當中最有趣莫過於Passport Duo，本身為腰包款式，可放下一機兩鏡，但只要打開上層拉鏈更可搖身一變成為背囊，從而擴充收納空間，配以防水尼龍布料，鍾意去旅行或者行山嘅影友相當合用。
Passport Duo本身為腰包設計，袋仔細細卻足夠放下一機兩鏡。<br>售價：$550
Passport Duo本身為腰包設計，袋仔細細卻足夠放下一機兩鏡。
售價：$550

StreetLine BP250城市風格

同期另有城市風格設計嘅StreetLine BP250背囊，以灰色防水物料配以PU塗層製造，加上防水拉鏈有效抵禦惡劣天氣。最過癮係內裏用上可拆式FlexPocket摺疊隔層，既能存放一機兩鏡，使用後亦可摺疊收藏來節省空間，仲可收納13吋手提電腦、平板電腦及其他個人物件。

DroneGuard Kit硬盒二合一

專門存放FPV無人機嘅DroneGuard Kit硬身保護盒，特別用上二合一設計，能夠將兩個保護盒結合或分開，以便攜帶穿越機、遙控器、FPV屏幕等配件，絕對是航拍玩家首選。

打開上層拉鏈即可變成背囊款式，並用上防水尼龍布料。
  • 打開上層拉鏈即可變成背囊款式，並用上防水尼龍布料。
StreetLine BP250外觀設計唔似傳統相機袋，當背囊使用都冇問題。<br>售價：$1,830
  • StreetLine BP250外觀設計唔似傳統相機袋，當背囊使用都冇問題。
    售價：$1,830
內裏嘅FlexPocket摺疊隔層，用後可以摺埋方便收藏。
  • 內裏嘅FlexPocket摺疊隔層，用後可以摺埋方便收藏。
DroneGuard Kit硬身保護盒能夠一分為二，以便攜帶及提取配件。<br>售價：$970
  • DroneGuard Kit硬身保護盒能夠一分為二，以便攜帶及提取配件。
    售價：$970

撰文：黎子豪

攝影：胡振文

查詢電話：2950 0175