激似Google Glass !Vufine眼鏡去片

Google Glass曾風靡萬千數碼潮人，利用眼鏡上網和睇片，既科幻又有型，可惜叫價過萬港元太離地，令人望而卻步。新抵港嘅Vufine沿用智能眼鏡概念，用家只要將投影裝置扣上眼鏡臂，即可連接iOS、Android和電腦裝置，將畫面同步至眼鏡，想煲劇、上網甚至打機都冇人騷擾到你！
售價：$2,980<br>（連Lightning Digital AV轉換器）
售價：$2,980
（連Lightning Digital AV轉換器）

集資產物

Vufine早於上年6月喺Kickstarter集資，結果獲得超過1,400名Backers力撐，集資金額比原定目標高出近幾倍。相比Google Glass，Vufine組裝方法更容易，只要將磁石組件扣上眼鏡臂，再將備有磁石嘅L形機身吸實，然後將投影屏幕對準眼球位置就完成。原裝附送一副黑框平光眼鏡，唔鍾意款式的話，安裝喺其他眼鏡亦得，官網定價199.99美元，香港就算炒至$2,980都唔算好貴。

簡單易駁

想喺Vufine睇畫面都好簡單，皆因它備有microHDMI插口，可連接iOS、Android和電腦裝置。小記利用原裝附送嘅microHDMI轉HDMI線材，經Lightning Digital AV轉換器接駁iPhone 6s Plus，開機後唔使3秒手機畫面已出現喺眼鏡上面，毋須任何設定。用嚟睇片、玩facebook、打機，或者睇GoPro、航拍嘅實時畫面都冇問題。惟留意Vufine不設喇叭，所以睇片時有畫冇聲，建議配番副耳機使用。

Vufine重26g，扣上一般粗框眼鏡都唔會失平衡，投射出來的畫面清晰。
  • Vufine重26g，扣上一般粗框眼鏡都唔會失平衡，投射出來的畫面清晰。
潮玩手機<br>設有microHDMI插口接駁手機，如想連接iPhone要加插Lightning Digital AV轉換器。
  • 潮玩手機
    設有microHDMI插口接駁手機，如想連接iPhone要加插Lightning Digital AV轉換器。
私人影院<br>試播電影Trailer時，畫質亮麗，惟要留意Vufine不設喇叭，想有聲的話記得接駁耳機。
  • 私人影院
    試播電影Trailer時，畫質亮麗，惟要留意Vufine不設喇叭，想有聲的話記得接駁耳機。

影像清晰

Vufine屏幕只有一個一毫子咁細，相信好多人都擔心會睇得唔清楚，其實它內置960×540解像度嘅LCOS投影屏幕，可將約4吋虛擬畫面顯示於用家眼前。雖然它不設焦點調校，但試用後影像出奇地清晰，就算喺室外環境都冇影響。美中不足係Vufine嘅電池續航力只有90分鐘，想睇套長氣少少嘅片都可能唔夠電囉！

即睇GoPro<br>可以透過Vufine連接手機，實時瀏覽GoPro影像。
  • 即睇GoPro
    可以透過Vufine連接手機，實時瀏覽GoPro影像。
航拍取景<br>利用第一身視覺，即時睇到航拍或FPV取景畫面。
  • 航拍取景
    利用第一身視覺，即時睇到航拍或FPV取景畫面。
Vufine採用L形磁石裝嵌設計，屏幕啱啱好對正眼球。
  • Vufine採用L形磁石裝嵌設計，屏幕啱啱好對正眼球。
機底只有兩個插口，microUSB用來充電，microHDMI接收視訊。
  • 機底只有兩個插口，microUSB用來充電，microHDMI接收視訊。

撰文：林子聰

攝影：蔡浩文

模特兒：Michelle Fan

查詢電話：2154 4281