大樂檬Note 2 Dolby Atmos有景轟

夏天好多人會叫凍檸茶或檸檬特飲Refresh一下。原來手機界嘅檸檬一樣咁多人鍾意，講緊嘅係Lenovo樂檬系列，最近一口氣加推大樂檬Note 2、大樂檬Note 2 Lite同樂檬3。前者以千多元的售價，有齊5.5吋大芒、八核心處理器和指紋功能，最煞食係支援Dolby Atmos全景聲音效，煲劇、打機等音效勁過人。
大樂檬Note 2<br>售價：$1,799
大樂檬Note 2
售價：$1,799

5.5吋金屬機身

樂檬系列手機向來走平價路線，幾乎部部都採用檸檬黃色機身，但今代大樂檬Note 2破格改用鋁金屬機身，配以金、銀兩款配色選擇，手感比塑膠機身好得多，而且外形大方得體，唔講仲以為係旗艦機款。而且搭載5.5吋屏幕，雖然解像度為1,920×1,080全高清級數，但色水自然兼有178度可視角，用嚟睇片絕對夠用。

機面設有3個輕觸功能鍵，均備有背光效果。
  • 機面設有3個輕觸功能鍵，均備有背光效果。
備有1,300萬像素主鏡頭，配以閃光燈補光。
  • 備有1,300萬像素主鏡頭，配以閃光燈補光。
鏡頭下方加設指紋辨識器，用食指解鎖相當就手。
  • 鏡頭下方加設指紋辨識器，用食指解鎖相當就手。

全景聲加持

規格方面，新機用上MediaTek Helio P10 1.8GHz八核心處理器及3GB RAM，實試運行Android 5.1系統多工作業唔會窒機。而且機背鏡頭下方加設入門機少見嘅指紋辨識器，指頭一掃即時解鎖，反應都算靈敏，美中不足係只支援兩組指紋。

卡槽需使用卡針才能打開，支援雙卡雙待功能。
  • 卡槽需使用卡針才能打開，支援雙卡雙待功能。
可自行設定螢幕效果，舒適模式會將畫面色溫變暖。
  • 可自行設定螢幕效果，舒適模式會將畫面色溫變暖。
冇電時可啟動「終極省電」，局部關閉手機功能並轉為黑白畫面為主。
  • 冇電時可啟動「終極省電」，局部關閉手機功能並轉為黑白畫面為主。

幸好音效支援Dolby Atmos全景聲，插入耳機後即可啟動音效系統，用家還可設定等化器並加入虛擬環繞聲、對白強化器等，小記試聽時發覺低音明顯增強，空間感亦提高不少，正在無論聽歌、睇片、打機等環境都用到全景聲，試過之後返唔到轉頭！

支援Dolby Atmos技術，設定介面相當Pro。
  • 支援Dolby Atmos技術，設定介面相當Pro。
拍攝介面簡單，僅提供HDR、全景及小量濾鏡。
  • 拍攝介面簡單，僅提供HDR、全景及小量濾鏡。
大樂檬Note 2 Lite<br>售價：$1,599/各
  • 大樂檬Note 2 Lite
    售價：$1,599/各

同場加映：大樂檬Note 2 Lite孖生兄弟

同場另有大樂檬Note 2嘅孖生兄弟大樂檬Note 2 Lite，兩者無論設計、硬件都幾乎一樣，包括5.5吋全高清屏幕、八核心處理器等，不過內置容量由32GB下調至16GB，而且將機背鏡頭下方嘅指紋辨識器抽走，但價錢平咗少少，只賣$1,599，對於Budget有限嘅用家都幾吸引。

樂檬3入門之選

嫌大樂檬Note 2太大部的話，可選擇同廠嘅樂檬3。它同樣採用金屬機身及金銀配色，但屏幕縮小至5吋，可惜解像度只有1,280×720，畫質略嫌未夠細緻。另改用Qualcomm Snapdragon八核心處理器及2GB RAM，上網、通話等日常操作夠用有餘。而且機價再平一截，$1,099有交易，抵！

樂檬3<br>售價：$1,099
  • 樂檬3
    售價：$1,099
樂檬3可拆殼換電，備有2,600mAh電池。
  • 樂檬3可拆殼換電，備有2,600mAh電池。

撰文：林子聰

攝影：郭凱敏

查詢電話：2789 0877