Me-Mover FIT踩車操肌 30km/h掟彎

Kickstarter起家

來自丹麥嘅Me-Mover早喺2014年在Kickstarter集資，最終成功籌集超過30萬美元，兩年後嘅Me-Mover FIT可說是將之改良並量產。廠方將佢定位為三輪踏步機，單睇外形其實有點似三輪版Scooter滑板車，同時加入單車嘅「牛角」手把及煞車系統，但又不設座椅，將各家大成集於一身。

健身有效率

玩法方面，車身設有兩個腳踏，雙腳上下踩動即可驅動車身前進，踩法其實同踏步機一樣。不過加入三輪設計後，令平衡更添容易，就算小朋友都可一玩上手。由於玩Me-Mover FIT時一定要站立兼提腿，除咗可以鍛煉大腿、小腿、臀部肌肉之外，連胸肌、腹肌都練得到，小記試踩時都真係覺得幾攰，唔怪得廠方話佢可消耗的卡路里比起傳統單車多40%~60%，健身減肥效率高得多；加上踩車動作毋須過分屈膝或彎腰，咁就唔怕整傷膝蓋和腰部。

Me-Mover FIT基本備有藍、白、黑、紅4色選擇，首批只得25部。售價：$15,680/各	原裝附送水架，另有多款配件供選購，包括尾燈等。	前輪後方設有安全扣，摺起前必須拉下。

高速過彎靈活

玩法睇落簡單，但踩Me-Mover FIT其實一啲都唔悶，皆因踏步幅度愈大，車速就會愈快，時速可達30km/h！而且前輪可以轉向之餘，連兩個後輪都可傾斜掟彎，攻彎靈活自如。順帶一提，由於其車身不含任何電子組件，可當作一般單車喺單車徑或城市行走，車身亦可隨時摺起收藏。唯一難題係佢嘅車身重達23kg，加上踏步設計上唔到大斜路。

呢幾日間中有雨，想喺室內將Me-Mover FIT變身私人踏步機？原廠提供Home Trainer配件供選購，可將車身墊高並提供阻力調校，喺屋企踩車Keep Fit都冇問題！

同單車一樣採用「牛角」手把，換款都好容易。還可加入另購的阻力配件（紅圈），提升Keep Fit效果。	摺起後車身體積都幾大，重23kg，但勝在可以靠後輪轆住走。	Home Trainer配件可墊高後輪，喺室內將佢變成踏步機。售價：$5,280

Me-Mover創辦人 Jonas Eliasson： 「Me-Mover FIT設計概念來自滾軸溜冰，我以前成日踩Roller，不過遇着路面唔平就玩唔到，所以特登諗咗呢樣代步工具，仲可以做埋運動。」

藝人Crystal： 「雙腳只要上下踏步就玩到Me-Mover FIT，真係好易操作。不過踏步幅度太大的話，車身會郁得好快，都有少少驚！」

撰文、部分攝影：林子聰

查詢電話：3106 3338