49吋Android TV 四千有找！

Smart TV愈出愈平，好像Hisense新推出的49吋3100HK系列Full HD電視，售價只係$3,990。雖然新機以平價全高清為賣點，卻引進Android 4.4系統，可透過各款Apps上網睇心水節目，甚至玩facebook、瀏覽網頁及打機都冇問題。用家還可因應不同片種設置標準、鮮艷、遊戲、電影、柔和及自定等畫質模式，打機時能提升動態流暢度，睇片時可強化電影感。而畫面亮度能因應環境光暗自動調節，睇得舒服自然。除了49吋外，另有43吋（售價$3,190）及32吋（售價$2,290）選擇，迎合不同人士要求。