三大片幅Mirrorless DC攝戰長洲

聽日就係一年一度嘅長洲太平清醮，現場不僅可欣賞飄色巡遊，以及買到特色手信，夜晚仲有得睇搶包山比賽。難得逼餐死入長洲，梗係要帶埋可換鏡嘅輕便無反影相打卡，今次準備咗3款不同片幅嘅Mirrorless DC，包括M4/3代表Panasonic GF8、APS-C感光元件嘅Fujifilm X-E2S、全片幅Sony α7R II，睇吓當中有乜竅妙「反」轉長洲。

M4/3代表：Panasonic GF8<br>售價：$3,990（連12~32mm單鏡套裝）（a）

M4/3代表：Panasonic GF8
售價：$3,990（連12~32mm單鏡套裝）（a）

Panasonic GF8 小巧「女友」

採用M4/3片幅嘅「女友8號」GF8，雖然感光元件較細，但優點係機身僅重236g，亦由於轉換系數為2倍嘅關係，所以一支200mm鏡頭，換算後相等於400mm咁長，但鏡頭Size卻比一般135格式鏡頭細小得多，最啱影飄色特寫。此機內置多種濾鏡特效果，例如玩具普普風、玩具相機等，可玩出獨特色彩，而且相機備有180度上翻式屏幕，方便自拍包山靚相，加上新增BeautyRetouch功能，拍攝後能進行模擬化妝，帶住呢個「女友」入長洲包保冇投訴。

擁有180度反芒設計，而且備有揮手自拍功能，揮一揮手即可影相。

新增BeautyRetouch功能，瘦面、美肌統統做到，可執靚個樣放上網博Like。

新增BeautyRetouch功能，瘦面、美肌統統做到，可執靚個樣放上網博Like。

試相區<BR>以玩具普普風濾鏡影特色手信，暗角效果明顯，令視點集中在中間，同時能凸顯鮮艷色彩。

試相區
以玩具普普風濾鏡影特色手信，暗角效果明顯，令視點集中在中間，同時能凸顯鮮艷色彩。

Fujifilm X-E2S全自動植入

X-E2S內置APS-C片幅Sensor，畫質較M4/3片幅細膩，配合大光圈鏡頭令淺景深效果更明顯，但背景虛化效果就不及全片幅般柔和，一般飄色特寫、包山風景題材都兼顧得到，最重要是定價比全片幅相機便宜。另提供多款軟片模擬效果，顏色似足菲林相，用嚟影鮮艷嘅大型花牌可突出色彩。上代X-E2以機械式手動操作，為免新手唔識用，故升級版加入自動場景識別模式，撳一下Auto掣就可自動設定。

APS-C Sensor Fujifilm X-E2S 售價：$7,790（連18~55mm單鏡套裝）（b）	備有多種軟片模擬效果，包括Classic Chrome、Velvia等，充滿菲林味道。	新加入的Auto掣預設為自動場景識別模式，相機會根據環境自動調校設定。
試相區利用軟片模擬Velvia效果拍攝，令花牌上斑斕色彩更加艷麗，連上面嘅細字都清晰可見。

Sony α7R II低光高解像

全片幅代表α7R II擁有4,240萬超高像素之餘，能輕易營造淺景深效果，加上吸光量較高，就算夜晚影搶包山環節使用高ISO，畫面都唔會出現明顯雜訊。配合4.5級五軸防震系統，就算由朝影到晚都唔使帶腳架。加上它可拍到4K影片，影相之餘能拍片記錄精彩影像，惟其機身雖然比單反細，但全片幅鏡頭就相當大支，有着一定重量。

全片幅Sony α7R II 售價：$23,490（淨機身）（c）	屏幕可上下翻揭，最啱以唔同角度影相，尤其是人多時可高舉相機取景。	採用全片幅感光元件及4.5級五軸防震系統，夜晚影相唔用腳架都咁定。
試相區 4,240萬像素畫質細節豐富，連遠處旗幟上嘅細字都睇得到，動態範圍又高，光暗位表現理想。