核心外圍草地野餐藍芽喇叭賞黎明

五大核心外圍草地推介

其實香港有好多靚草地，不過去草地野餐千祈唔好生火燒烤，最好梗係喺屋企整定熱狗、雞翼等食品，咁就一定啱口味啦！

中山紀念公園

位於西營盤海傍嘅中山紀念公園，園內有一大片綠油油草地，中央豎立了孫中山雕像，另有四大寇庭院。

中山紀念公園	黎明近日用facebook直播演唱會，就算喺屋企都睇到佢喺核心內圍演出。	直播食熱狗嘅影片喺網上瘋傳，不過之後刪咗，大家可上YouTube睇番。
黎明經常化身「明蝠俠」拍片，仲叫大家唔使送花牌，慳番啲錢咁話。 網址：www.facebook.com/llleonlai/	Lyra Media主編兼影音達人Cato，今次喺草地試藍芽喇叭兼聽黎明金曲。

大埔海濱公園

大埔海濱公園為香港面積最大嘅公園，幾乎到處都見到可供野餐嘅大草坪，仲有唔少人會特地來放風箏，園內另設一座香港回歸紀念塔。

大埔海濱公園	添馬公園	佐敦谷公園

添馬公園

添馬公園位於金鐘，與中西區海濱長廊相連，可見到政府總部，當中綠化空間可供遊人閒坐和野餐，毗鄰今次黎明演唱會嘅核心內圍部分。

佐敦谷公園

地處新清水灣道嘅佐敦谷公園，係觀塘區內最大嘅公園，內裏大草地吸引到不少人嚟野餐，加上交通方便，假日經常逼滿人。

西九海濱長廊

經常舉行大型活動嘅西九海濱長廊，唔單止草地面積大，仲面對維多利亞港，可一邊野餐一邊欣賞無敵海景。

DIVOOM AuraBox發光盒子

DIVOOM AuraBox的骰小巧，正面有100枚LED燈發光，除本身預設嘅圖案外，各位亦可透過手機App自行設定，例如寫上LEON字樣等，一邊聽歌一邊當螢光棒咁揈就夠過癮啦。

Cato點評：「AuraBox音色比較斯文，人聲頗為突出，適合聽以人聲為主的慢歌如《你很愛我》。」

Beats Pill+雙機Jam歌

藥丸喇叭Beats Pill+勝在玩法獨特，能夠將兩部手機同時連接喇叭，揀選唔同Playlist播放，還特別加入DJ模式，可按需要切換音樂，大玩Jam歌效果。

Cato點評：「咁多款藍芽喇叭之中以Pill+的低音效果最勁，適合聽一啲電子舞曲如《越夜越有機》呢啲夠響夠勁嘅歌。」

JBL Pulse 2 聲色俱全

JBL Pulse 2能夠直立播放，機身嘅燈光會隨住音樂跳動，更設有JBL Prism棱鏡顏色感應器，可因應環境轉換燈光顏色，不過喺陽光猛烈嘅戶外環境就唔係好睇到，但喇叭勝在有雙震膜提升低音渾厚感。

Cato點評：「Pulse 2人聲比較實淨，低音量多但未至好深，聽《情深說話未曾講》呢類情歌都幾啱Feel。」

Marshall Stockwell長氣播放

外形似足Marshall擴音器嘅Stockwell，黑色機身配以金線圍邊夠獨特，頂部3個旋鈕能夠調校音量、高音和低音，在藍芽喇叭中實在少見，最正係充電後能連續聽25個鐘咁耐。

Cato點評：「喺新款藍芽喇叭之中Stockwell聲量最響，而且表現平均，應付到黎明嘅快歌如《Sugar in the Marmalade》，仲可以同周圍嘅人一齊聽。」

Pioneer XW-BTSP1一拍即合

Pioneer XW-BTSP1備有黑、白、紅3色機身選擇，機身略呈扇形以提升音色擴散，並支援NFC方便配對手機，充滿電後可連續播放10小時，加上喇叭備有4W＋4W輸出功率，音色不俗。

Cato點評：「雖然XW-BTSP1喺戶外聽唔算太響，但勝在細節分明，適合聽一啲慢歌和豐富嘅流行曲，例如聽《大綱與細節》較為合適。」

DIVOOM AuraBox 售價：$499（a）	Beats Pill+ 售價：$1,988（d）	JBL Pulse 2 售價：$1,899（c）
Marshall Stockwell 售價：$2,399（b）	Pioneer XW-BTSP1 售價：$799（a）

Braven 705無懼風雨

Braven 705備有8種機身顏色可揀，並支援IPX5防水認證，就算野餐唔小心倒瀉水或遇着落雨都冇問題，加上提供TrueWireless技術令音色更響亮，而續航力可達12小時。

Cato點評：「Braven 705體積較細，音色好平均，可以好穩陣咁聽唔同種類嘅流行曲，揀《我這樣愛你》係大路之選。」

撰文：黎子豪　

攝影：盧展程　

模特兒：姚紫茵

查詢：（a）2553 1151、（b）2577 2599、（c）2955 1000、（d）www.beatsbydre.com