LUMIX ZS110 1吋Sensor出焦

「先對焦、後影相」係攝影嘅法則，早幾年殺出嘅光場相機，玩「先影相、後對焦」調校景深效果，雖然Gimmick十足，但礙於機款所限，市場反應唔算太好。Panasonic新推出的LUMIX ZS110機仔，利用1吋大Sensor和Post Focus功能翻叮此概念，影完相才揀對焦點包保唔會Out Focus，想玩景深輕而易舉。

LUMIX ZS110 售價：$6,190

先影相後對焦

ZS110今次主打的Post Focus功能，利用綜合DFD自動對焦和4K技術，用家按快門時相機會自動掃晒多個對焦區域，過程只需1秒左右，處理完相片後便可篤芒揀番想Focus嘅位置，畫面不僅會顯示對焦框，還以不同顏色去表示峰值（Peaking），最正係可以揀唔同對焦點另存成多張相片，咁就唔怕錯過精彩時刻。

支援4K拍片

對於資深影友來說，可能會覺得「先影相、後對焦」係噱頭，但配置上ZS110屬頂級規格，具備1吋2,010萬像素感光元件，支援ISO 25,600超高感光度，仲可以用嚟拍4K＠25p影片。另一過癮之處係新增4K相片模式，能以每秒30張高速捕捉動態影像，拍完後可以喺呢一連串影像中，揀番想要嘅一格儲存成4K相片，畫質相等於800萬像素左右，適合影寵物、小朋友或運動攝影。

ZS110提供全黑色和銀黑色選擇，備有25~250mm變焦鏡頭，可扭動鏡環調校拍攝設定。

ZS110提供全黑色和銀黑色選擇，備有25~250mm變焦鏡頭，可扭動鏡環調校拍攝設定。

機背設有116.6萬像素電子觀景器，不過得0.2吋略嫌細咗啲。

機背按鍵編排圖文並茂，而且提供4K相片功能（Fn1）和Post Focus功能（Fn2）獨立鍵。

機背按鍵編排圖文並茂，而且提供4K相片功能（Fn1）和Post Focus功能（Fn2）獨立鍵。

10倍變焦鏡頭

新機用上25~250mm焦段10倍變焦鏡頭，一般Snapshot夠用有餘，加上設有鏡環可按需要自訂變焦、放大等不同功能，快速調校拍攝設定，配合Hybrid O.I.S.+五軸防震功能，減低手震影響。另支援Wi-Fi功能，透過《Panasonic Image App》可經手機遙控和過相。依家買機仲可享兩年Google Drive 100GB數據儲存量，以便用家Upload相片和影片上雲端。

雖然機頂不設Hotshoe，但內置彈出式閃光燈，影人像補光都掂。	支援4K@25p拍片質素，傳輸率高達100Mbps，細緻度可見一斑。	Post Focus功能 Step 1：一按機背「Fn2」鍵即可啟動Post Focus功能拍攝，惟相片解像度只有4K質素。
Step 2：拍攝時相機會掃晒多個對焦區域，大約需要1秒時間捕捉影像。	Step 3：處理完相片後可篤芒揀任何對焦點，畫面會同時以對焦框和峰值顯示。