文青必捧！PEN-F向菲林致敬

仿PEN F經典設計

1963年Olympus出品嘅PEN F旁軸菲林相機，其半格設計能夠把36張菲林拍出72張相片，當年風靡一時。而新推出嘅M4/3無反PEN-F為重現經典設計，機頂特別以鎂金屬製造，轉盤部分則以鋁金屬研磨加工，拎上手極具質感。機身設有5個轉盤，最特別是前方嘅垂直轉盤，似足菲林機嘅旋轉式快門，其實它備有4種色彩模式可揀，除了色彩創作工具（CRT）和藝術濾鏡（ART）外，新增彩色（Color）和單色（Mono）配置，前者可獨立調校色調和飽和度，後者有3種配置設定，甚至可加入粗微粒質感，重現黑白菲林色調。

3吋側揭式屏幕

為咗徹底將經典復刻，廠方在新機左上角加入236萬像素電子觀景器（EVF），希望帶出旁軸機嘅感覺，屬首部備有電子觀景器嘅PEN系列數碼相機。由於增設觀景器嘅關係，所以機身沒有多餘空間加入內置閃光燈，幸好保留Hotshoe插座，能夠裝上跟機嘅FL-LM3閃光燈，支援左右旋轉補光甚至向上90度打Bounce都掂。而機背鮮有地用上側揭式屏幕，具有3吋103.7萬像素篤芒設計，有利多角度取景。

睇真啲新機（上）同PEN F菲林機（下）真係幾似樣，古典味濃。	現場花絮 發布會邀請了Do姐和農夫做司儀，三人搞笑對話炒熱現場氣氛。	內置Wi-Fi功能，可無線連接手機《Olympus Image Share》App作遙控和過相。

2,030萬像素畫質

向來PEN系列大多採用1,600萬像素感光元件，今次PEN-F改玩2,030萬像素Live MOS，可算係一大突破，而且使用高解像度模式拍攝時，能夠瞬間把8張影像自動合成為1張5,000萬像素JPEG檔案，又或者8,000萬像素RAW檔案，針對拍攝靜態景物而設計。此外，新機內置招牌嘅5級五軸防震系統，就算喺唔夠光嘅環境下手持Snapshot，都能夠影到清晰穩定影像。

用上全新2,030萬像素感光元件，支援5級五軸防震。	機頂備有4個操作轉盤，而且快門可插上機械快門線。	PEN系列數碼相機首次加入電子觀景器，具有236萬像素。
機前加入垂直轉盤，支援彩色和單色配置，影出嚟富有菲林感。	跟機附有FL-LM3閃光燈，可以上下左右扭動打Bounce。	設有3吋103.7萬像素側揭式屏幕，仲支援篤芒功能。
單色配置能夠調校每種色彩嘅灰階深淺，甚至可加入粗微粒效果。	高解像度拍攝可連拍8張影像，合成出5,000萬像素JPEG檔案或8,000萬像素RAW檔案。	試相區 利用彩色配置（圓圖）增添了相片的飽和度，令背景和主體顯得更鮮艷，而且2,030萬像素的解像力超卓，臉部細節清晰可見。

規格表

感光元件：2,030萬像素Live MOS

轉換系數：2倍

屏幕：3吋103.7萬像素

快門：1/8,000~60秒

體積：124.8×72.1×37.3mm

重量：342g

玩家有Say

專業攝影師Kit Chan：「我本身用開Olympus相機，PEN-F嘅新功能感覺似足Instagram玩濾鏡改顏色，而且前置轉盤可以快速轉換模式，好啱戶外Snapshot使用。我試過用Mono配置影黑白相，佢裏面嘅粗微粒效果有七成似黑白菲林，加上對焦都幾快，Shutter聲好好聽。不過對於手大嘅男士嚟講，帶出街影相最好加番條相機帶。」

撰文：黎子豪

攝影：胡振文

查詢電話：2376 2150