夏日樂郊遊　入村搵食

捱過了近數十年來最熱的「立秋」，溫度稍稍回落，又是時候走到鄉郊，遊山玩水。不想到西貢人逼人，今年就不如轉場到屯門藍地、流浮山下白泥先郊遊後開餐，過一個愉快的周末。流浮山的私房菜緣聚軒供應自家製農家菜，風味十足；而藍地近期新開業的天聚源，則有人氣蒸氣海鮮鍋、陶板燒，大家一於邊郊遊邊覓食。

牛坑腩煲 $88/細煲<br>由於坑腩新鮮，煮45分鐘經已夠腍，而湯底更熬足4小時而成，清香富牛味。

牛坑腩煲 $88/細煲
由於坑腩新鮮，煮45分鐘經已夠腍，而湯底更熬足4小時而成，清香富牛味。

流浮山圍村菜再進化

到流浮山不一定獨沽一味吃海鮮，也可到下白泥欣賞日落美景。該處沿岸為淺灘和紅樹林，每當日落時分，金黃的太陽映照在水上，甚有詩意。看過日落，不妨到流浮山沙江圍的私房菜緣聚軒開餐。由上水圍村人廖生廖太所開設，專營私房農家菜。做工程出身的廖氏夫婦愛下廚，廖生諗頭多多，最愛鑽研菜式。一次偶爾的機會，廖生將圍村鹹雞變作圍村特色鹹鴨，朋友吃過大讚好味！以秘製醬汁製成，鴨肉入口香濃，帶有金華火腿的鹹香，下飯佐酒皆宜。想品嘗指定菜式，需早3天預訂。

精選滋味食材

除了願意花心思炮製手工菜，二人還花時間去發掘食材，找來新鮮得來、肉跟脂肪分明的牛坑腩，又會落田採摘原隻有機大茄子等，讓看起來平凡的牛坑腩煲、魚香茄子煲等，也散發坊間少有的鮮香味！此外，一鍋看似普通的上湯雞煲，入口卻極有層次。原來老闆將雞胸肉、蝦殼烘乾，再磨成味粉，以此代替味精，再將味粉落入雞湯，比用原隻雞熬製的上湯更鮮味！如想品嘗指定菜式，需早3天預訂。

由入貨、下廚、上菜、洗碗，均由廖生、廖太兩夫婦一手包辦，親力親為。諗頭多的廖生更會在花園種植「魚菜共生」水耕菜、香草拿來入饌呢！	圍村特色鹹鴨 $88/半隻十分入味，鴨味香濃且肥瘦平均富嚼勁，入口還帶金華火腿的鹹香，佐酒一流。	自家製韭菜餃子 $38/半打廖太的拿手好戲，皮薄、餡多，一隻餃子的分量比得上市面的3隻，很誇張！以豬肉、韭菜做餡料，兩邊煎至金黃香脆，好味！
上湯雞煲 $118/半隻以雞油多的三黃雞炮製而成，湯中加入秘製味粉，令雞湯更鮮甜。由於有相熟的雞隻供應商，故找到特別嫩滑的三黃雞。	魚香茄子煲 $118 原隻有機大茄子，每年只在7、8月供應。茄子肉比一般茄子爽口，配上陽光鹹魚，分外滋味。	小店搬至新址個多月，不少從舊舖年代已是捧場客的都往撐場。其中以牛坑腩及自家製韭菜餃子最受歡迎！每逢周末，店內更是高朋滿座，廖生廖太二人忙得不可開交。

緣聚軒

地址：流浮山沙江圍23號地舖

查詢電話：9448 8112

屯門藍地　蒸氣鍋嘗鮮

說到藍地，大部分人只會想到妙法寺及以貓多出名的嶺南大學。原來在嶺南大學後山，有一個藍地水塘。水塘邊緣綠樹成蔭，更設有大水壩，遊人可以邊欣賞澎湃的水「瀑布」美景邊乘涼。喜歡遠足的朋友，還可以由元朗何福堂書院，沿屯門徑走到藍地水塘。走到累了，不妨來個蒸氣火鍋嘗鮮。蒸氣鍋能全密封將海鮮蒸熟，最能保持各款鮮活的鮮味。位於設有鄉村市集的藍地大街的天聚源，其老闆威哥每日都會到香港仔魚市場挑選生猛海鮮，故餐廳每日供應近20款海鮮，包括象拔蚌、海蝦、大扇貝、紅花蟹、藍花蟹、貝貝蜆、桂花蚌等。除了海鮮鮮味，蒸氣火鍋的最大賣點是粥底，於鍋底加入靚米，用優質蒸餾水轉化成蒸氣，蒸海鮮的蒸氣回流，煮成美味的海鮮粥！

二人海鮮套餐 $380 不知如何揀選海鮮的，建議享用二人海鮮餐，包括紅花蟹、貝貝蜆、桂花蚌、番薯蜆、花甲、海中蝦、大扇貝、菜芯和半份雞，分量相當足！	扇貝時價肉厚、夠大，由於扇貝很易熟容易蒸過火，建議大家與其他海鮮分開蒸煮，約5分鐘，就能保持肉質嫩滑。	陶板燒二人前套餐 $238 客人可選擇美國Prime牛肉或豚肉拼盤，還附上前菜和風野菜沙律、蔬菜拼盤，還有赤麵或讚岐烏冬；肉類烤熟後灑上海鹽調味即可，惹味！
老闆威哥（左）與大廚輝哥（右）相當熱情，輝哥更不時在海鮮檔「開演唱會」，Beyond金曲唱不停，令餐廳好不熱鬧！	店內設有海鮮檔，客人大可自行挑選心水海鮮水產，即揀即蒸！