Panasonic Lumix G7 4K連環圖

今時今日拍片仲講全高清真係Out晒，事關原來拍片講4K之餘，依家連影相都要講4K，所講的是全新Panasonic Lumix G7無反相機，唔單止支援4K拍片，仲加入了4K照片模式，能夠連環快拍4K畫質的相片，說穿了就係略為降低畫質，去提升連拍張數囉。

售價：$7,290（連14~42mm單鏡套裝）<br>$9,690（連14~140mm單鏡套裝）

售價：$7,290（連14~42mm單鏡套裝）
$9,690（連14~140mm單鏡套裝）

每秒25格支援100Mbps比特率

雖然G7唔係旗艦級型號，但係運算和處理速度都好快，皆因內置了1,600萬像素的感光元件，而且支援四核心CPU的Venus Engine影像處理器，不但擁有最高ISO 25,600感光度，而且使用AF-S對焦，連拍速度都有8fps，無論夜拍抑或快拍都有唔錯嘅表現。G7最大賣點在於拍片，提供每秒25格或24格的4K畫質選擇，更支援100Mbps比特率，所拍的影片精細且具有電影感，再者機頂設有立體聲收音咪，亦提供3.5mm外置收音咪接口，收音效果一樣出眾。

3種4K連拍模式

剛才都有提到，G7唔止支援4K拍片，更新增了4K照片模式，具備4K連拍、4K連拍（S/S）及4K快門前連拍，3種模式有咩分別？4K連拍能夠以每秒30張的超高速度進行連拍，作一般連拍使用。至於4K連拍（S/S）只要按一下快門開始連拍，再按便會停止拍攝，適合捕捉動物或小朋友難以預測的動作。而4K快門前連拍，相機會自動記錄按下快門前/後的影像，大約60張左右，例如捕捉一瞬間的畫面就用得着。連拍後的相片會變為影片格式，用家可從一大堆相片選擇單張相片另存，出來的畫質約800萬像素。

Panasonic Lumix G7	背面用上3吋的多角度屏幕，方便不同角度取景。	機身前後同樣提供操作轉盤，調校設定一步到位，使用上夠晒專業。
驅動模式轉盤新增了4K照片模式，可以連拍4K（約800萬像素）的相片。	內置彈出式閃光燈，在昏暗的環境下能夠彌補光源不足的問題。	採用1,600萬像素感光元件，以及Venus Engine影像處理器，感光度高達ISO 25,600。

0.07秒快速對焦

今次G7在對焦方面都有大幅改善，引入了DFD（Depth from Defocus）技術，令對焦速度快至只需0.07秒，拍攝高速移動的主體都冇問題，加上背面採用3吋的側翻式屏幕，更具有觸控功能，有利用家拍片、自拍和高低角度取景，而且相機能夠自訂11個實體及虛擬自訂鍵，可隨住喜好自行編排按鍵，夠晒人性化。當然G7亦提供大熱的Wi-Fi功能，利用《Panasonic Image App》應用程式，就能夠遙控拍攝及傳送影像，開心「些牙」話咁易，之不過冇NFC功能，連線就冇咁方便。