Samsung VS Sony 85吋4K鬥好波

仲約埋班Friend下星期嚟屋企睇巴塞對拜仁。但幾年前部Full HD電視得四五十吋，招呼朋友邊夠豪氣，一於搵部85吋4K TV坐鎮，心水型號有Samsung UA85HU8500J同Sony KD-85X9500B，前者引進專門睇波嘅足球模式，後者支援MotionFlow XR 800Hz暢動流技術提升流暢感，兩大日韓品牌同場較量，睇吓邊部搞睇波派對好氣氛啲啦！

UA85HU8500J內置足球模式

機Gor同中環影音店AV Life老友吹開水，佢話近來買4K TV嘅人愈揀愈大尺寸，皆因四五十吋電視用嚟煲劇睇波始終唔夠臨場感。

邊框厚度只有14mm，令屏幕睇落更大，觀感更佳。	流線型遙控器，下方有圓形足球掣，輕按一下便能開動足球模式提升臨場感。	售價：$199,980（連2副主動式3D眼鏡）

想搵部又大又豪嘅電視，Samsung的85吋UA85HU8500J是不錯選擇，支援3,840×2,160解像度及UHD畫質增強引擎，能將視訊升頻至4K水準。為方便操作，更引進聲控互動功能，對住遙控器出句聲就能轉台、調校音量等；最吸引喺內置足球模式，睇波時直情有置身現場嘅感覺。

85吋巨屏的邊框厚度有36mm，稍稍影響外觀時尚感。	遙控器設計實而不華，中央設有3D掣，輕按一下便能揀選3D顯示模式。	win 可將畫面暫停分為九格，然後放大其中一格，有乜小動作都睇到。

規格表

解像度：3,840×2,160

網絡：Wi-Fi

HDMI：4組

體積：1,903.4×1,149.8×395mm（連座枱架）

重量：63.8kg（連座枱架）

KD-85X9500B動態畫面流暢

Sony曾是電視界霸主，但面對韓國品牌挑戰，聲勢已大不如前，這部85吋KD-85X9500B可說是翻身之作，聽場內老友講此系列4K TV獲得不少電影迷歡迎，皆因它配備MotionFlow XR 800Hz暢動流技術，最啱用嚟睇動作電影、足球賽事等。另一吸引之處是機頂設有鏡頭，可一邊睇電視一邊Skype通話，另支援SimulView雙人共享遊戲介面，可透過3D眼鏡令兩名玩家共享獨立打機畫面，娛樂性十足。

UA85HU8500J開動足球模式後，球場草地更綠更細緻，立體感大增。	KD-85X9500B設有多種MotionFlow播放模式，包括清晰、真實電影等。	在聲音設定中揀選實況足球模式，亦有助提升音場包圍感。

規格表

解像度：3,840×2,160

網絡：Wi-Fi

HDMI：4組

體積：1,957×1,214×452mm（連座枱架）

重量：73.7kg（連座枱架）

第1回合：鬥睇波震撼

「好波不妨一睇再睇！」買部85吋4K TV梗係要鬥睇波效果，Samsung針對球迷於UA85HU8500J加入足球模式，開啟後試播球賽時，發現畫面亮度提升不少，球場草地顯得更綠更嫩，令立體感大增，而且音效包圍明顯強化，球場內數以萬計觀眾的歡呼聲勁震撼。此外，用家能將畫面暫停並分為九格，然後放大其中一格，就算球員手球或犯規都睇得一清二楚；仲可以用畫中畫功能，一邊睇錄影一邊睇現場。而Sony KD-85X9500B只能用MotionFlow暢動流技術來提升流暢感，雖然在聲音設定中揀選實況足球模式，有助提升音場包圍感，但論睇波Gimmick始終唔及對手。

win KD-85X9500B試播《末日1000年》，主體面色自然質感盡現，而且音效包圍感強，連背景聲都表現細緻。	UA85HU8500J試播《變形金剛》大黃蜂出場一幕，輪廓位銳利，金屬感夠強，睇落相當搶眼，只是音場略嫌單薄。	Draw KD-85X9500B的Apps較為國際化，還可透過《Football Daily》等瀏覽足球資訊。

第2回合：鬥畫質音效

睇波睇片要靚畫配靚聲先至「有今生冇來世」，Samsung電視嘅畫質一向偏重鮮色，UA85HU8500J亦不例外，驟眼睇較搶眼，但睇得耐卻有點味精感，加上廠方為保持機身纖薄，喇叭音色並不突出。反觀Sony KD-85X9500B嘅畫質就自然得多，而且音效是此機強項，植入磁流前置喇叭，配合強化玻璃纖維振膜，驅動靈敏有力。此外，喇叭背連接長身導管，透過共鳴原理強化低音震撼感，還有S-Force Front Surround環迴音效加強音場包圍感，唔使駁環繞聲系統都夠炸。

UA85HU8500J預設有大量本地Apps如《ontv東網電視》，亦能瀏覽facebook等。

Herbert

第3回合：鬥智能應用

新一代4K TV均支援網絡功能，UA85HU8500J只需在遙控器輕按Smart Hub掣，便能開啟網絡畫面，本身更預設有大量本地Apps如《ontv東網電視》、《HKTV直播》等，透過瀏覽器搜尋資訊亦很簡單，機Gor在關鍵字一欄打個Y字，就會出現YouTube、Yahoo !等相關字。而KD-85X9500B的網絡功能亦很全面，機Gor試開本地網站時，繁體字不會變成亂碼，轉畫面時亦很靈敏，針對球迷還預設《Football Daily》等足球資訊Apps。

達人教路：中環AV Life店長Herbert：「大尺寸4K TV要諗搬運擺位！」

「選購85吋等大尺寸4K TV時，除了考慮畫質外，仲要諗埋搬運擺位問題，如果電視太大部入不到電梯，可能要預先將電視從包裝盒取出來再搬運；其次要考慮觀賞距離，如85吋電視的觀看距離至少要有3米，否則很易睇到頭暈。幸好4K TV解像度夠高，近睇都不會起格，如果是同尺寸Full HD型號，觀看距離要有4米以上才能享受最靚畫質。」

機Gor Report：UA85HU8500J睇波臨場感正

兩機作為日韓大廠的頂級型號，聲畫水準擁有超高質素，Samsung UA85HU8500J畫質搶眼，Sony KD-85X9500B偏向自然，純屬個人口味。但講到用嚟睇波，機Gor覺得前者的足球模式較為實用，開動後能同時優化球賽影像及音效，不用慢慢微調，而且畫中畫等功能亦很好玩，如各位同機Gor一樣鍾意喺屋企搞睇波派對的話，UA85HU8500J相信是你杯茶。

Profile

機Gor

機不離身，不信Spec只信測試，不扮高深，懶理低俗，貪新不忘舊。

撰文：機Gor　

查詢電話：2295 3398