美國Anaheim直擊星戰夢幻之旅

《Star Wars: The Force Awakens》電影道具展

今次Star Wars Celebration於美國Anaheim Convention Center舉行，打響頭炮是新星戰三部曲導演J.J. Abrams、電影製作人Kathleen Kennedy同主要演員舉行開幕儀式，並即場公布《Star Wars: The Force Awakens》第二段預告片，最後一幕福伯仲同Chewbacca講「Chewie, we're home.」場面。小記排咗成個鐘隊，到會場限定的道具展朝聖，場內展出了多位新角色的服裝，好似Finn、Rey同反派角色Kylo Ren等；講到最吸引肯定係頭盔變得更有型嘅白兵，以及今集新登場的「圓轆轆」機械人BB-8，相信有機會吸走R2-D2粉絲。

《Star Wars: Battlefront》特別版PS4主機

由DICE開發的新遊戲《Star Wars: Battlefront》，於展覽第二天才正式公開，仲請來遊戲製作團隊同Lucasfilm代表，到場介紹製作點滴，如製作團隊親身到Lucas資料庫為電影道具拍攝3D影像，及遠赴各電影場地取景等。不過最吸引係首度公開遊戲預告片，擊倒AT-AT Walker一幕更令全場逾千粉絲歡呼。另外還即場送出3部遊戲特別版PS4主機添，認真識做！Electronic Arts展區則打造了X-wing駕駛艙，畀Fans着晒成套飛行服進入機艙扮Chok樣，即場仲有工作人員幫手錄低片段剪輯落遊戲預告片內，真係幾有諗頭！

換上新造型的白兵，吸引到好多Fans拍照留念。	新角色Rey全身服飾Detail位幾多，有機會成為女星戰迷的Cosplay對象。	想排隊入場睇星戰電影道具，真係要排足一小時。

現場花絮

由於Star Wars Celebration係專為星戰迷而設的活動，所以全場備有大量攤位，由會場出售的限定產品，到LEGO以至各類精品都有！總之粉絲買得開心之餘，商戶又有錢賺，皆大歡喜。

球形設計的機械人BB-8將會在今集電影登場，圓轆轆好可愛。	專家有Say 遊戲製作人Craig McLeod表示，想製作一個可供玩家隨自己喜好發展的星戰世界。	來自聖何塞的遊戲玩家Brian（左）及來自三藩市的Aliki（右），覺得預告片似足電影咁靚，預計會買PC版嚟玩。

Star Wars Celebration知多啲

首屆活動於美國科羅拉多州丹佛市舉行，起源自Lucasfilm為宣傳當年上映的電影《Star Wars Episode I: The Phantom Menace》。

戴晒頭盔再穿上飛行衣，就可進入X-wing駕駛艙Chok樣扮飛！	呢位靚仔有幸抽中特別版PS4主機。	逾千粉絲一早逼爆會場等待《Star Wars: Battlefront》發布預告片。
唔一定全身Cosplay先至夠醒，好似呢兩位靚女穿上C-3PO同R2-D2元素裝束一樣有睇頭。	LEGO攤位擺上唔少用LEGO砌成的經典星戰角色，不少人爭相合照。	展覽現場擺放了不少星戰場景，當中以超巨型的AT-AT Walker模型最有台型。
現場另一影相位是今集電影新角色Rey同佢嘅「愛車」Speeder。	LEGO一向有推出Star Wars玩具，今次發表新產品Star Wars Constraction版天行者、黑武士等，9月便推出市場。	放大圖片

由1999年起至今共舉行了10次Star Wars Celebration活動。

今次活動是在美國境內舉行的第7次，上次於2013年7月在德國Essen舉行。

特派記者：布偉倫

鳴謝：Electronic Arts