EDITOR'S NOTES 珍惜駕駛樂

回想「咸豐年」剛好18歲的小伙子，膽粗粗報名考牌，問自己為乜？其實都幾沒趣！當年未有經濟能力買車，也不知何謂駕駛樂趣。學車！因為鄰居是教車師傅，近水樓台，考牌！人考我又考，跟風跟潮流而已。

至於整個學車過程沉悶透頂，比起現在多變的活動教學，實在……編者全程就好似機械人，開車、停車、泊位、掉頭，堂堂如是，最慘係師傅住隔籬屋，蠱惑招自然冇得出，惟有老老實實地學下去。

到了考牌當日，師傅收晒火笑笑口，似乎不想再施壓，編者戰戰兢兢應試，4架考牌車排第3出發，不消5分鐘，竟然第1架折返試場。師傅大為緊張地問：「冇理由，點解咁快？難道……」

經過漫長的10分鐘，考牌官出來遞了一張粉紅色成績單，還未及細看，師傅已衝上來：「你得咗啦！」

每次想起師傅罕有的笑容，心裏總會感恩起來。若干年後，終於買車了，領略到自由自在的駕駛樂趣；現在，享受與家人遊玩的天倫樂，心裏總有着無限的珍惜。哪讀者們呢？駕駛Passat享受行政人員樂，又或者Discovery Sport玩玩越野樂也不錯吧！

朱志華