Mazda3 SKYACTIV-G 1.5 JDM當紅迎新春

聽日就係大年初一，喺踏入乙未羊年前，先祝各位讀者、車迷新年快樂、出入平安、路路暢通！相信唔少朋友都知道，下星期三就有新一份財政預算案出爐，對車迷最大影響不僅是汽車首次登記稅有可能調升，甚至會收緊或取消環保稅優惠，屬實的話，車價勢必飆升，即時行動仲有機會喺預算案前出到牌，仲唔快出手？

售價：$235,000（已扣除環保稅務優惠）

設備媲美豪華房車

今日介紹的Mazda3 SKYACTIV-G 1.5 JDM是一款經濟家庭房車，扣除環保稅車價僅$235,000，設備卻是令人意想不到的豐富，雙區恒溫冷氣、防眩倒後鏡、18吋輪圈、8個安全氣袋、投射式行車資訊顯示屏、藍芽免提以至BOSE 9喇叭音響等全屬標準配置，聽落仲以為是四、五十萬元以上的豪華房車，點計都是超值。近年，Mazda的汽車都非常着重駕駛樂趣，雖然Mazda3並非以跑車定位，1.5公升引擎的設定也不是強調爆炸力，但彎中表現比起不少同級車都來得穩健，加上底盤調校傾向運動化，靈活操控帶來駕駛小跑車的感覺，充滿娛樂性。

安全可靠低油耗

車廂配備是Mazda3的強項，除了上述的豪華設備，還有原廠皮座、7吋輕觸式屏幕及廠方稱為Commander Control的多媒體操控鍵，駕駛者只要用單手便可輕易操作音響、通訊及汽車設定等項目，操控起來自然得心應手。同時，後泊車警示器及倒車視象系統同屬標配，就算泊車技術一般，身處於睇位容易的Mazda3，要泊入超窄車位都變得冇難度。安全方面，Mazda3的SKYACTIV-BODY車架有高剛性的特點，不但輕身，還通過世界上最嚴謹的撞擊安全測試，配合預載的汽車穩定操控系統（DSC），為乘員帶來充分保障。代理指，新車預載i-stop停車熄匙系統，平均耗油量只是19.5km/L（JC08），燃油成本低於$0.8/km，十分經濟。

多功能軚環以皮革包裹，並附設藍芽免提及音響操控鍵。	側鏡整合了指揮燈，行車切線更加安全。	不少人都喜歡在倒後鏡掛小飾物，但不宜過大，否則會影響視線。
雙區恒溫冷氣屬標準配置，左右溫度可獨立調校。	波棍後方設多媒體操控鍵，可操作音響及通訊等系統。	後排空間相當不錯，長腿模特兒都有充足的伸展空間。

過年錦囊：駕駛勿穿高踭鞋

過年期間好多人都會開車四出拜年，女士們更會打扮得靚靚，穿上旗袍、高跟鞋等，不過要注意開車要有合適的衣着，譬如斗零踭、鬆糕鞋等都不宜駕駛，控制油門及制動腳踏的靈活性會受影響，必要時可多放一對平底鞋在車上更換，安全至上，唔好嫌麻煩呀！仲有，咪以為新正頭就可以亂泊車，還要顧及其他道路使用者，千萬不要阻塞緊急救援通道及交通要道，新年流流被人拖走部車就無謂啦！