《龍珠》格鬥遊戲不經不覺出咗十幾款，雖然每次都例牌追加新角色，但玩家最愛用嘅始終係悟空、比達等一眾撒亞人。剛推出嘅《龍珠Xenoverse》卻一反傳統，讓玩家扮演未來戰士融入故事之中，玩家可揀選心水種族，想做娜美星人自己療傷又得，跟悟空變身超級撒亞人Chok波亦得，完全由你話事！
有別於一般格鬥遊戲玩法，今次《龍珠Xenoverse》搞搞新意思，讓玩家從人類、人造人、撒亞人、娜美星人及魔人5個種族中設計角色，然後跟隨杜拉格斯到原創城市「時時都」，利用時光機回到龍珠世界的不同時空，阻止魔人科學家托娃改變歷史。此時一眾宿敵如菲利、斯路、布歐等會有「兇惡化」力量，利用身上邪氣變得實力強悍。玩家要跟一眾龍珠戰士合力擊敗敵人，將歷史重回正軌。遊戲主模式分為時空巡邏、修行、Free Battle及天下一武道大會4大類別，當中「時空巡邏」即故事模式，當完成故事後便會衍生副本「平行任務」；至於「修行」是向悟空或比達學習招式；「Free Battle」則是選擇登場角色熟習招式。最後遊戲還會舉辦「天下一武道大會」，讓玩家跟世界各地網友切磋武藝。
查詢電話：2782 0978
撰文：廖俊斌