千元有找！Lead 1大芒影靚相

聖誕假期日日開Party影相，有部Selfie「神器」當然重要，但市場上稍為影相靚啲嘅手機都要幾千元，想變靚啲莫非真係咁難？咁又未必，LEAGOO Lead 1近日正式抵港，定價$998，卻內置1,300萬像素後置鏡頭及500萬像素前置鏡頭，並提供美白、換妝、磨皮、去痘、掃粉、美瞳、瘦面等功能，最誇是連嘴唇都可變色，牙齒則可執白，聖誕節平平哋用來交換禮物都抵！其他功能方面，新機坐擁5.5吋720p IPS屏幕，畫面比同級的TFT芒靚得多。兩側的太空鋁金屬邊框防撞之餘，更有助提升手感。雖然1.3GHz四核心處理器及1GB RAM不算標青，但撥頁開Apps尚算流暢，而且還對應雙卡雙待功能，省卻用戶換卡煩惱。